Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskal Autonomia Erkidegoko industri jarduera %21,5 gutxitu zen 2008ko abenduan, urte osoko jaitsiera %3,4koa izanik


2009-02-04 12:15

BILBO, 4 (EUROPA PRESS)

Euskal Autonomia Erkidegoko (EAE) industri produkzioa %21,5 gutxitu zen 2008ko abenduan, 2007ko abenduaren aldean, lan-egutegi homogeneoari dagokionez, Eustat Estatistikaren Euskal Erakundearen datuen arabera. Horrela, 2008 osoko beherapen-tasa metatua, aurreko urtearen aldean, %3,4koa izan zen.

Halaber, joan den abenduan, eta azaroarekin alderatuta, Euskal Autonomia Erkidegoko industri produkzioa %6 gutxitu zen estazionalitate-ondorioak zuzendu ostean.

Sektoreen arabera, eta industri sektore nagusienen sailkapena kontuan hartuta, 2008ko abenduko indizearen bilakaerak (2007ko abenduaren aldean) hurrengo aldakuntzak izan zituen: Energiak %5,4ko aldakuntza positiboa izan zuen urte batetik bestera; aitzitik, Ekipamenduko ondasunek %19,3 egin zuten behera, Bitarteko ondasunak %31 gutxitu ziren eta Kontsumo-ondasunak %18,8. Azken kasu honetan, kontsumo-ondasun iraunkorren (%-25,5) eta kontsumo-ondasun ez iraunkorren (%-15,7) beherapenek eragin zuten murrizketa.

Bestalde, iazko abenduko hil arteko aldakuntza negatiboa izan zen sektore guztietan, Energia sektorean izan ezik, %1,7 egin baitzuen gora. Bitarteko ondasunek %7,7 egin zuten behera, Ekipamenduko ondasunak %7,1 gutxitu ziren eta Kontsumo-ondasunak %5,3, kontsumo-ondasun ez iraunkorren (%-6,8) eta kontsumo-ondasun iraunkorren (%-0,7) beherapenen ondorioz.

Lurralde historikoka, Industri Produkzioaren Indizeak urte batetik besterako abenduan izan zuen bilakaera negatiboa izan zen hiru lurraldeetan: Araban %25,8 egin zuen behera, Bizkaian %19,9 eta Gipuzkoan %20,9. Hil arteko hazkunde-tasak ere negatiboak izan ziren hiru lurraldeetan: Araban %10,3 jaitsi zen, Bizkaian %5,1 eta Gipuzkoan %4,8.

2008KO BALANTZEA

Aipatu bezala, abenduko aldaketa kontuan hartuta, Euskal Autonomia Erkidegoko 2008. urteko balantzeak %3,4ko beherapen metatua erakusten du Industri Produkzioaren Indizean.

Industriako sektore garrantzitsuenek bilakaera negatiboak izan zituzten urteko metatuan; Energia izan zen salbuespen bakarra, %5 hazi zelako. Ekipamenduko ondasunek %2,2 egin zuten behera, Bitarteko ondasunek %5 eta Kontsumo-ondasunek %6,9; azken hauen artean, kontsumo-ondasun iraunkorrak %15,7 gutxitu ziren eta kontsumo-ondasun ez iraunkorrak %3. Hori guztia 2007. urtearekin alderatuta.

2008. urteko aldaketa metatuak negatiboak izan ziren hiru lurralde historikoetan eta aipatutako hiru kasuetan: Arabak %4,1eko beherapena izan zuen, Bizkaiak %2,4koa eta Gipuzkoak %4,2koa.


129 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin