Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskal Autonomia Erkidegoko industri jarduera %10 jaitsi zen 2008ko azaroan


2009-01-08 11:29

BILBO, 8 (EUROPA PRESS)

Euskal Autonomia Erkidegoko (EAE) industri produkzioak %10 egin zuen behera 2008ko azaroan, urriarekin alderatuz, lan-egutegiko baldintza homogeneotan, Eustatek landutako datuen arabera. Urtaroen eragina zuzenduta, EAEko industri produkzioa %2,8 jaitsi zen azaroan urriarekin alderatuta.

Bestalde, 2008ko lehenbiziko 11 hilabeteetako balantzea Industri Produkzio Indizearen %1,8 murrizketarekin itxi zen, aurreko urteko aurreneko hamaika hilabeteen aldean.

Sektoreen arabera, eta industriako sektore nagusien sailkapenari jarraiki, 2008ko azaroko indizearen bilakaerak ondoko aldakuntzak izan zituen, 2007ko azaroaren aldean: sektore guztiek jaitsiera jasan zuten, Energiak izan ezik, %2,1 hazi baitzen. Horrela, Bitarteko ondasunek %16,1 egin zuten behera; Ekipamendukoak %7,1; Kontsumo-ondasunek %5,1eko murrizketa izan zuten, kontsumo-ondasun iraunkorrak (-%16,6) eta kontsumo-ondasun ez iraunkorrak (-%0,2) jaitsi egin baitziren.

Horrez gain, 2008ko azaroko hil arteko aldakuntzak, 2008ko urriaren aldean, negatiboak izan dira ere bai, Energiaren kasuan izan ezik, aldaketarik ez baitu jasan (%0,0). Ekipamenduko ondasunek %4,3 egin zuten behera, eta Bitartekoek %3,1; Kontsumo-ondasunek %1,4ko murrizketa izan zuten, kontsumo-ondasun iraunkorrak (-%1,3) eta kontsumo-ondasun ez iraunkorrak (-%1,4) jaitsi ondoren.

Lurralde historikoei dagokienez, Industri Produkzioaren Indizearen urte arteko bilakaerak negatiboak izan dira EAEko hiru lurralde historikoetan: %7,2 jaitsi zen Araban, %8,9 Bizkaian eta %12,7 Gipuzkoan. Hil arteko bilakaerak ere, 2008ko azaroa 2008ko urriaren aldean, negatiboak izan ziren: %5,3 jaitsi zen Araban, %1,8 Bizkaian eta %2,5 Gipuzkoan.


407 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin