Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskal Autonomia Erkidegoko eraikuntzaren kostuak %0,1 igo ziren joan den urrian


2006-11-29 11:06

BILBO, 29 (EUROPA PRESS)

Euskal Autonomia Erkidegoko (EAE) Eraikuntzaren Kostuen Indizea %0,1 igo zen joan den urrian, aurreko hilaren aldean, eta hilabete horretako urte arteko tasa %4,8ra iritsi da, Eustaten datuen arabera. Aurreko abenduaren aldean lortutako igoera %5,4koa izan da.

Joan den urrian, lan-eskuaren kostua ez zen aldatu (%0,0), eta lehengaien kostuak, berriz, %0,1 igo ziren. Eraikuntza eta Obra Zibila azpisektoreek antzeko bilakaera izan zuten, aurreko hilaren aldean %0,1 igo baitziren, bai Eraikuntzaren atalean bai Obra Zibileko lehengaien kostuen atalean ere. Bi azpisektore horien urte arteko bilakaeran badira zenbait ezberdintasun: Eraikuntzako lehengaien kostuak %4,8 hazi ziren, eta Obra zibilekoak %3,2.

Urrian prezioen hazkunderik handienak kontsumitutako honako lehengaiek izan zituzten: Energia elektrikoa (%1,5); Burdina eta altzairua (%0,9); Beira (%0,8); eta Zementu artifiziala (%0,6) lehengaiek, besteak beste. Aitzitik, beste lehengai batzuen prezioak jaitsi egin ziren, hala nola Karea, igeltsua eta eskaiola (%-0,3); Petroliotik eratorritakoak (%-2,2); Asfalto-produktuak (%-2,0); eta Leherkariak eta gasak (%-0,8) lehengaienak besteak beste.

Sektoreak kontsumitutako lehengai garrantzitsuenen artetik, azken 12 hilabeteetan, hauek izan dituzte inflazio-tasarik handienak: Energia elektrikoa (%25,8); Burdina eta altzairua (%16,6); Beira (%9,2); Metalezko hoditeria (%8,9); eta Leherkariak eta gasak (%5,1).

Bestalde, urte arteko prezioetan (2006ko urria, 2005eko urriarekin alderatuta) honako lehengai hauek izan dituzte jaitsierak edota igoera txikiagoak: Petroliotik eratorriak (%-9,5); Karea, igeltsua eta eskaiola (%-2,2); Zeramika-produktuak (%-0,1); Harri elaboratua (%0,0); Aparatu eta material elektrikoak (%0,0); eta Egurra eta kortxoa (%1,0).


140 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin