Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskal Autonomia Erkidegoko azalera handietako salmentak %2,8 gehitu ziren joan den azaroan


2006-12-27 11:21

BILBO, 27 (EUROPA PRESS)

Euskal Autonomia Erkidegoko azalera handietako salmentak %2,8 gehitu ziren joan den azaroan, lan-egutegiko baldintza homogeneotan. Prezioen eragin inflazionista kenduta, azaroko urte arteko tasa %0,7ko gehitzean estimatu zen, euro konstanteetan, Eustaten datuen arabera.

Bestalde, urteko lehenengo 11 hilabeteetan metatutako salmentak %4,7 igo ziren uneko terminotan, eta %1,5eko igoera izan zuten prezio finkoetan.

2006ko azaroan, urte bereko urriaren aldean, desestazionalizatutako hileko datuek hil arteko %1,8ko igoera izan zuten uneko terminoetan, eta %1,6ko hazkundea prezio finkoetan.

Jateko produktuen salmentek %5,3ko urte arteko igoera nominala izan zuten 2006ko azaroan, eta gainerako gaien salmentek %1,6koa. Termino errealetan, jateko produktuen salmentak %1,8 hazi ziren eta gainerako produktuenak %0,1.

Lurralde historikoak aztertuta ikusten denez, 2005eko azaroaren aldean, Araban salmenta nominalek gora egin zuten, %6,1; Bizkaian eta Gipuzkoan ere gora egin zuten, %1,6 eta %3,7, hurrenez hurren. Balio errealetan, joan den urteko hil beraren aldean, Araban %4,0ko hazkundea izan zuten, Gipuzkoan %1,2 hazi ziren eta Bizkaian %0,5 jaitsi ziren.

Aurreko hilaren aldean, Arabako azalera handietako salmentek hil arteko %0,5eko igoera izan zuten (2006ko azaroa 2006ko urriarekin erkatuta) uneko prezioetan, eta %0,1eko igoera termino finkoetan.

Bestalde, Bizkaian salmentek gora egin zuten azaroan, urriarekin erkatuta. Uneko terminotan %1,9 igo ziren, eta termino finkoetan %1,6ko igoera izan zuten hil arteko aldi berean.

Gipuzkoan, azaroko hil arteko igoera nominala %2,4koa izan zen azalera handietako salmentei dagokienez. Euro konstanteei dagokienez, igoera %2,3koa izan zen.

Azalera handietako establezimenduetako enplegatuak %0,3 igo ziren 2006ko azaroan, urriaren aldean. Izan ere, Gipuzkoan (%2,4) eta Bizkaian (%0,3) igo egin ziren, eta Araban, berriz, %2,5 jaitsi.


88 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin