Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskal Autonomia Erkidegoko azalera handietako salmentak %1,1 jaitsi ziren joan den urrian


2006-11-27 11:22

BILBO, 27 (EUROPA PRESS)

Euskal Autonomia Erkidegoko (EAE) azalera handietan egindako salmentek %1,1eko urte arteko jaitsiera nominala izan zuten joan den urrian, aurreko urteko hil beraren aldean, Eustatek landutako datuen arabera eta lan-egutegiko baldintza homogeneotan. Prezioen eragin inflazionista kenduz gero, urriko urte arteko tasak %3,2ko jaitsiera izan zuen, euro konstanteetan.

Bestalde, urteko lehen hamar hilabeteetan metatutako salmentak %4,9 igo ziren uneko terminotan, eta %1,6ko igoera izan zuten prezio finkoetan.

Joan den urrian, urte bereko irailaren aldean, desestazionalizatutako hileko datuek hil arteko %3,9ko beherakada izan zuten uneko terminoetan, eta %4,1eko beherakada prezio finkoetan.

Jateko produktuen salmentek %0,8ko urte arteko jaitsiera nominala izan zuten, eta gainerako gaien salmentek %1,2koa. Termino errealetan, jateko produktuen salmentak %4,5 jaitsi ziren eta gainerako produktuenak, aldiz, %2,5.

Lurralde Historikoak banaka aztertuta ikusten denez, eta beti 2005eko urriaren aldean, Araban salmenta nominalek gora egin zuten, %2,2; Bizkaian eta Gipuzkoan, aldiz, behera egin zuten, %1,3 eta %2,6, hurrenez hurren. Balio errealetan, joan den urteko hil beraren aldean, Araban %0,3ko hazkundea izan zuten, Bizkaian %3,4 jaitsi ziren eta Gipuzkoan %4,8 jaitsi ziren.

Aurreko hilaren aldean, Arabako azalera handietako salmentek hil arteko %4,0ko jaitsiera izan zuten (2006ko urria 2006ko irailarekin erkatuta) uneko prezioetan, eta %4,2ko jaitsiera termino finkoetan.

Bestalde, Bizkaian salmentek behera egin zuten urrian, irailarekin erkatuta. Uneko terminotan %4,4 jaitsi ziren, eta termino finkoetan %4,6 jaitsi ziren hil arteko aldi berean.

Gipuzkoan, urriko hil arteko beherakada nominala %2,9koa izan zen azalera handietako salmentei dagokienez. Euro konstanteei dagokienez, beherakada %2,9koa izan zen.

Azalera handietako establezimenduetako langileen kopurua %0,2 jaitsi zen 2006ko urrian, irailaren aldean. Izan ere, Araban igo ziren arren (%0,9), Bizkaian eta Gipuzkoan jaitsi egin ziren, %0,3 eta %0,8 hurrenez hurren.


147 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin