Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskadiko trenbide garraioari buruzko erakusketa bat inauguratu dute Zarautzen (Gipuzkoa)


2009-01-30 14:40

DONOSTIA, 30 (EUROPA PRESS)

Euskadiko trenbide sarearen gaur egungo egoerari eta batez ere etorkizunari buruzko datu nagusiak biltzen dituen Trenbidea, bidea da erakusketa zabaldu dute gaur Zarauzko (Gipuzkoa) udaletxeko bilkura aretoan, Eusko Jaurlaritzako Garraio eta Herri Lan Sailak eta Zarauzko Udalak antolatuta.

Otsailaren 6ra arte egongo da zabalik erakusketak jendearentzat, astelehenetik ostiralera, 9:00etatik 13:00etara eta 17:00etatik 20:00etara bitartean, eta bihar, larunbata urtarrilak 31n, 10:00etatik 13:30etara.

Tolosan, Beasainen eta Zumarragan erakusgai egon den instalazioa lau informazio gunetan banatzen da. Lehenengoan, Euskadin garraioak bizi duen egoerari buruzko ikuspegi orokor bat eskaintzen da: errepideak duen gehiegizko pisua eta horrek eragiten dituen gizarte, ekonomia eta ingurumen arloko arazoak. Ondoren, arazo horien aurrean trenbidea benetako alternatiba dela erakusten da, garraiobide eraginkorra eta iraunkorra baita.

Atal honetan, orain bertan egiten ari diren eta datozen urteetan egitekoak diren inbertsioen berri ematen da, bai EAEko Administrazioaren aldirietako sarekoena, EuskoTren, bai tranbia eta metrokoena ere.

Bigarren atalean, merkantzien garraioaren arazo bereziak landu dira, eta trenak arlo horretan daukan potentzialitatea. Horren ondoren, erakusketaren hirugarren atalean euskal trenbide sare berria edo Euskal Y-a da gai nagusi. Horma-irudiek proiektuaren informazio orokorra eskaintzen dute; besteak beste, ibilbide osoa erakutsiko duen hegaldi birtual bat, tarte jakin batzuen xehetasunak ere erakutsiko dituena. Azkenik, mundu osoko abiadura handiko tren nagusien berri emango da, batez ere, Europakoena.


622 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin