Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskadiko tren-garraioan jarduerak eta funtzioak berrantolatzeko prozesua gaur bukatu da


2006-08-01 13:35

BILBO, 1 (EUROPA PRESS)

Euskadiko tren sektorearen jarduerak eta funtzioak berrantolatzeko hasitako prozesua gaur bukatu da. Izan ere, EuskoTrenbideak enpresakoak ziren 186 langile Euskal Trenbide Sarea erakunde publikora igaroko dira. Horrela bada, ekainaren 30ean, Euskal Herriko Agintaritzaren Aldizkarian argitaratu zen hilaren 6ko data duen dekretuan ezarritakoa bete da; horren arabera, Euskal Autonomia Erkidegoaren menpe dauden trenbide-azpiegituren eraikuntza eta administrazioa bete ahal izateko beharrezkoak diren aktiboak eta langileak enpresaz aldatuko dira.

Horrela bada, gaurtik aurrera, EuskoTrenek lehentasuna emango dio bidaiarien zein merkantzien garraioari; halaber, enpresaren helburuak zerbitzuaren kalitatean eta Euskal Herriko erreferentziako operadore izatean oinarrituko dira.

Garraio zerbitzuaren operazio-jarduerak eta trenbide-azpiegituraren ustiapenaren banaketa --horren barruan sartzen dira ETSra igaro diren 186 langileak-- maiatzaren 21eko 6/2004 Legean jasotako aginduaren emaitza da. Eusko Legebiltzarrak onartutako lege honen bidez aipatutako erakunde publikoa eratu zuen.

Halaber, Euskadiko trenbide garraioaren agertoki berria Europako arauen garapenean oinarrituta dago. Izan ere, berebiziko pausoa da Europako trenbide eremua sortzeko, hori guztia, garraiobideen oreka berria bilatzen duen estrategia orokorraren barruan.


224 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin