Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskadiko Lanbide Heziketako lehenengo Zentro Bateratua izango du Gernika-Lumok (Bizkaia) lau urte barru


2009-01-22 16:38

BILBO, 22 (EUROPA PRESS)

Gernika-Lumon (Bizkaia) izango da lau urte barru Euskadiko Lanbide Heziketako (LH) lehenengo Zentro Bateratua, espresuki hezkuntza-jarduera horretara eraikia izango dena. Izan ere, Gernika-Lumoko Udalak ontzat eman du antzinako Astra arma-fabrikako lursail baten kokatuko den Lanbide Heziketako Zentro Bateratua eraikitzeko 6.553 metro karratutako lagapena egitea Eusko Jaurlaritzako Hezkuntza, Unibertsitate eta Ikerketa Sailari. Zentroa eraikitzeko 10.985.000 euro inbertituko ditu Jaurlaritzak.

Busturialdeko ikasleez gain, inguruko ikasleen prestakuntza profesionala ere erraztuko du zentro berriak. Lanbide Heziketako zentroaren hezkuntza-eskaintza oparoa izango da, eta unibertsitatetik kanpo diren ikasketak hautatzen dituztenentzako, langabetuentzako eta gaur egun lanean dihardutenen pertsonentzako izango da baliagarri, Udal gernikarretik azaldu dutenez.

Gainera, Lanbide Gaitasuna Egiaztatzeko Egitura sortaraztea ere ahalbidetuko du proiektuak. Gaitasuna Egiaztatzeko Egiturak, jadanik bere dituzten gaitasun horiek pertsonei aitortzea du helburu nagusia, era ofizialean ziurtatzeko eta haien lanbide-gaitasuna eta bizitzan zehar egin beharreko ikaskuntzan motibatzeko asmoz.

Halaber, ahalik eta baldintzarik onenetan kokatu nahi ditu pertsonak, gero eta profesional prestatuagoak behar dituen lan-merkatu lehiakor batean. Zerbitzua honetaz aparte, gainera, enpleguaren alorreko Langairen zentro bat izango da, herritarrei laguntza eskaintzeko.

Zentroak eskainiko dituen hezkuntza-diziplinak hauexek izango dira: Mekanika fabrikazioa; Zurgintza eta altzarigintza; Elektrizitatea eta Elektronika; Gizarte eta kultur zerbitzuak; eta Administrazioa. Ingurumenari dagokion alorrean, kurtso hauek izango dira ikasleentzat: Eguzki Energia; Termikoa eta Eolikoa; Zentral termoelektrikoen kudeaketa; Ur-sareen antolaketa, kontrola eta mantentzea; Eguzki instalazioen antolaketa eta proiektuak; eta Gas-sareen kudeaketa, muntaia eta mantentzea.

Astra eraikineko lursail bat okupatuko du zentro berriak, orotara, lau solairutan banatuko diren eraikitako 8.000 metro karratuko azalerarekin. Horrez gain, hezkuntza-eraikinak 700 metro karratuko hedadura izango duen eguzki baratzea eta 450 metro karratuko etxe bioklimatikoa ere izango ditu.

Jose Maria Gorroño Gernikako alkateak adierazi duen moduan, udalerri eta herrialde baten balio erantsi nagusia gazteak ondo trebatuak izatea da.


224 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin