Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskadiko ekintzaileen potentzialaren inguruko bigarren txostena aurkeztuko da bihar Bilbon


2006-10-24 12:25

BILBO, 24 (EUROPA PRESS)

Eusko Ikaskuntza, Deustuko Unibertsitatea eta Euskal Herriko Unibertsitatea (EHU) lankidetzan aritu dira GEM CAPV 2005 izeneko ikerketa-proiektuan, Euskadiko ekintzaileen jarduera konkretua ezagutzeko asmoz, eta bihar aurkeztuko dute, arratsaldeko 19,00etatik aurrera, EHUko Ekonomia eta Enpresa Fakultatean, Bilbon.

Eusko Ikaskuntzako iturriek gaur aurreratu dutenez, Ana Agirre Eusko Jaurlaritzako Industria sailburua izango da Global Entrepreneurship Monitor (GEM) delakoaren 2005eko txostena aurkezteko ekitaldiaren buru.

Duela bi urte, Eusko Ikaskuntzak, Deustuko Unibertsitateak eta EHUk lankidetzan martxan jarritako proiektuak Euskadiko ekintzaileen jardueraren ebaluazio zehatza egin nahi du. Bigarren txosten honen bidez, Euskadin dagoen jarduera ekintzailea eta honen joerak argiago ezagutu ahal izango dira.

Gainera, nazioarteko proiektu honetan parte hartzen duten beste 35 herrialdeekin alderatu ahal izango dira datuak. 36 adituri egindako elkarrizketak eta 2.000 pertsona ingururi egindako kontsulten bidez egin dute txostena.

Lanak, EAEko eta lurralde historiko bakoitzeko egoera deskribatzen du nazioarteko panoramaren baitan, eta zenbait alderdi aztertzen ditu, esaterako: ekintzaileen profil eta portaera, negozio proiektuen finantziazioa, emakume ekintzailearen egoera, jarduera ekintzailea eta inmigrazioa, enpresak sortzeko aukerak, enpresa berrien inpaktu ekonomikoa eta EAEko inguru ekonomiko, sozial eta kulturalaren egokitasuna jarduera ekintzaileak garatzeko, besteak beste.


154 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin