Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskadiko Cadena SER irratiak eta Innobasquek lankidetza hitzarmena sinatu dute


2009-01-13 16:45

BILBO, 13 (EUROPA PRESS)

Euskadiko Cadena SER irrati-kateak eta Innobasque Berrikuntzaren Euskal Agentziak lankidetza-akordioa izenpetu du gaur Zamudioko (Bizkaia) Teknologi Parkean.

Pedro Luis Uriarte Innobasqueko presidenteak eta Begoña Marañon Cadena Ser-en Euskadiko zuzendariak izenpetu dute hitzarmena. Irrati-kate honek iaz ospatu zuen Bilbon irratsaioak egiten hasi zeneko 75. urteurrena.

Gaur izenpeturiko akordioaren bidez, bi erakundeak burubelarri

lan egitera konprometitu dira komunikazioaren eremutik, Euskal Herriko ekonomiaren eta gizartearen bigarren eraldaketa handi hau bultzatu eta garatzeko: Innobasquek Euskadin Berrikuntza koordinatu eta bultzatzeko tresna gisa, eta Cadena Ser-ek, aliatu eta gizarte-berrikuntzaren eta sozializazioaren sustatzaile gisa.

Bi erakundeen arteko lankidetza eta koordinaziorako esparrua ezartzea da akordioaren xedea, gerora Cadena Ser-en eta Innobasqueren arteko ekintzak garatzea ahalbidetu dezan Euskadiko ekonomiaren eta gizartearen bigarren eraldaketa handirako berrikuntza eta gizarte-mobilizazioa sustatzeko proiektuan; baita ere sustapen eta komunikazio eta kanpo-proiekzioko jardueretan ere.

Bi aldeek elkarrekin lan egingo dute partekaturiko hizkuntzak sortzeko, baita sareak eta harremanak trukatzeko ere, berrikuntzari buruzko edukiak hainbat talderentzat istorio interesgarri izan daitezen formatu berriak bilatzeko, eta kultura-produktu erakargarria

publiko zabal bati eskaintzeko.

Innobasque enpresa eta pertsonen komunitateak sortzen ari da lanean, eta horien bidez jendeari dei egiteko eta mobilizatzeko bide garrantzitsua izango du. Cadena Ser-ek ere zabalik ditu gizarte-dinamizaziorako ekintza-bideak, berrikuntzari eta sormenari loturiko jardueren inguruan, bai barrura eta bai kanpora begira. Eremu honetan bi mobilizazio-gaitasunak bat egitea da erronka, partekaturiko proiektuen eta helburuen zerbitzura.

Akordioaren beste helburuetako bat balioak transmititzea eta haur eta gazteengan trebetasunak eta gaitasunak garatzea da. 2030. urtera begiratzen badugu, eta orduan gizarte eta enpresa-jardueraren

protagonista izango direnengana, gaur egungo haur eta gazteak ikusiko ditugu, esan dute akordioa izenpetu dutenek.

Horren haritik, Innobasqueren helburua gizarte-berrikuntza da, balioen transmisioa eta ekintzailetza garatzea. Kultura bat finkatzeko, eskola eta unibertsitate-garaietan lan egin behar da, eta horietarako proiektu espezifikoak garatuko ditu.

Akordio honek elkarlanerako oinarriak ezartzen ditu, gero lankidetza-ildo gisa zehaztu eta Jarduera Programa espezifiko bihur daitezkeenak.


455 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin