Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Euskadiko Baratzezaintzaren Sektoreko Ikerketa, Teknologia Garapen eta Berrikuntzarako Planaren aurkezpena Miramonen


2006-01-26 13:40



DONOSTIA, 26 (EUROPA PRESS)

Eusko Jaurlaritzako Nekazaritza, Arrantza eta Elikadura sailburuak, Gonzalo Saenz de Samaniego, gaur arratsaldean sektorearen ehundik gora ordezkariren aurrean, EAEko Baratzezaintzaren Sektoreko Ikerketa, Teknologia Garapen eta Berrikuntzarako Plan berria aurkeztuko du Miramongo Teknologia Parkeko auditorioan.

Eusko Jaurlaritzako sail hontako iturriek ohar batean azaltzen dutenez, plan hori Baratzezaintzaren Sektoreak eta Administrazioak elkarrekin egindako lanaren ondorioa da, eta Mahastizaintza eta Basozaintzaren sektoreek argitaratutakoei gehituko zaie.

Nekazari eta ikerlarien arteko elkarlanarekin tradizioak eta teknologia berrikuntzak bat egiten ari dira. Hala, hainbat teknologia berritzaileren ezarpenak, hala nola, laborantza hidroponikoa, berotegietako aldagaien kontrol-sistema, barietateak hobetzea eta hautatzea, energia iturri berriak bilatzea... Euskadiko baratzezaintza berritzeko ematen ari diren urratsetako batzuk dira.

Euskadiko baratzezaintza sektorea eta NAES elkarlanean aritu dira B+G jarduerak burutzerakoan, hala lanbide-elkarte edo kooperatibetako teknikarien bitartez, nola proiektuak garatzeko azpiegiturak erabiltzerakoan. Sektoreko norbanakoek edo kolektiboek azpiegiturak erabili behar izan dutenetan, NAESek utzi die.

Horri esker, azken bost urtetan 755.000 euroko kostua izan duten 16 egitasmo burutu dira. Egitasmo horien artean hauek nabarmen daitezke: laborantza ekologikorako haziak identifikatu eta hautatzea, bertako barietateen karakterizazioa, maneiu-sistemen ebaluazio tekniko-ekonomikoa edo borroka integratuko sistemen ezarpena.

ZAZPI ARDATZ

Baratzezaintza garatzea, momentu honetan, ikerketa estrategikoaren erronka da. Izan ere, nekazaritzako jardueraren sektorerik berritzaileenetakoa da. EAEko nekazaritzaren azken ekoizpenaren %23ª. 2.900 hectareako azaleran, hala, hau topatzen dugu: alde batetik, kalitatearen eta produktu ekologikoen aldeko apustua egin dutenak eta, horiekin batera, punta-puntako produktuak ekoizten dituztenak; bestetik, saltoki handiei saltzen dienak eta salmenta zuzenean aritzen direnak. Era horretan, lehiakorrak dira merkatuaren fronte anitzetan.

Eusko Jaurlaritzako Nekazaritza, Arrantza eta Elikadura Sailarentzat gaur aurkezten den Baratzezaintzako I+G Planak gaur egungo beharrei aurre egin behar die. Horregatik, Eusko Jaurlaritzaren ustetan, etorkizuneko baratzezaintzak zazpi ardatz nagusiren izan behar ditu: hobekuntza eta hautatze genetikoa, baratzezaintza ekoizpenaren osasun kontrola, kalitate organoleptiko handiko produktuen lorpena, labore berriak eta produktu eraldatuak,

baliabide hidrikoak optimizatzea eta zaintzea, eta merkaturatzea eta banatzea.

Plan hau xehetasunez ezagutu nahi duenak, NAESen web-gunean, www.nasdap.net, sar daiteke. Ondoren, Ikerketa, Garapena eta Berrikuntza atalean sartu beharko da eta, honen barruan, Plangintza estrategikoa azpiatalean. Gaur arratsaldean Miramongo Teknologia Parkeko auditorioan egingo den aurkezpenean agiri bat ere emango da.


176 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin