Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Europar Batasunak eta Errusiak akordioa sinatu dute Itsaso Baltikoan arrantzaren gestioan elkarlanean aritzeko


2006-12-22 17:17

BRUSELA, 22 (EUROPA PRESS)

Europar Batzordeak Itsaso Baltikoko arrantzaren gestio eta kontserbaziorako Errusiarekin lorturiko akordioa aurkeztu die gaur Europar Batasuneko herrialdeei. Akordioak elkarlanerako neurriak ere ezartzen ditu, erreserben harrapaketa edo kontserbaziorako kontrolei dagokienez.

Bruselak agiri baten bidez jakinarazi du hitzarmenak sei urteko iraupena izango duela eta bi aldeek sinatzen dutenean egongo dela indarrean.

Itsaso Baltikoko baliabideen kontserbazioa eta ustiapen jasangarria ziurtatzeko Europar Batasunaren eta Errusiaren arteko lankidetza handiagoa bermatzea da akordioaren helburua; izan ere, 1973tik, Europar Batzordeak, bakailao, izokin eta sardinzarraren gehienezko harrapaketak zehaztu ditu. Historikoki, harrapaketak bi aldetako akordioen bitartez banatu dituzte Errusiak eta Estonia, Letonia, Lituania, Polonia, Suedia eta Finlandiak.

Gaur aurkezturiko akordioak elkarlanerako moduak jasotzen ditu, alde bakoitza bere uretan zehazturiko gestiorako neurrien erantzulea izango den arren, hala nola gehienezko harrapaketen finkapenena, gestiorako planen ezarpenarena, arrantzatzeko mugena edo neurri teknikoena.

Arrantza erreserbei, ontzien lizentziri, arrantza araudien betetzeei, kontrol eta laguntzen, ikuskaritzei eta lankidetza zientifikoari buruzko neurri bateratuak zehaztuko ditu akordioak. Horretarako, Baltikoko Arrantzarako Batzorde Bateratua sortuko da.

Errusia eta Europar Batasuna elkarlanean arituko dira arrantza jarduerak kontrolatzeko eta alde bakoitzak besteari utziko dio bakoitzaren ontzietan ikuskaritzak egiten. Halaber, bi aldeetako zientifikoen arteko lankidetza areagotuko da.


71 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin