Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Europako eta Mediterraneoko profesionalek pelikulak esportatzen ikasiko dute Donostiako Zinemaldian


2006-09-18 12:38

DONOSTIA, 18 (EUROPA PRESS)

Donostiako Nazioarteko Zinemaldiak European Films Crossing Borders eta Mediterranean Films Crossing Borders programak eskainiko ditu. Autore Fundazioaren egitasmo hauen xedea Europako zinemagintza profesionala (zuzendariak, gidoigileak, ekoizleak, banatzaileak eta bar) sortzea da, Autore Fundazioko iturrien arabera.

Horren harira, nazioarteko zinemaren esparru lehiakorrean bakoitzak bere proiektua ustiatzeko moduak eta sustapen, marketin, salmenta eta banaketa teknikak irakatsiko zaizkie. Halaber, parte-hartzaileei sektoreko adituekin topaketak eta lan-batzarrak eskainiko zaizkie, dituzten proiektuen irtenbide profesionala bideratzeko.

European Films delakoen kasuan, ikasleak Europatik datoz; Mediterranean Films, berriz, Mediterraneoaren hegoaldeko jatorria duten ikasleek osatuko dute (Aljeria, Palestina, Egipto, Israel, Jordania, Libano, Maroko, Siria, Tunisia eta Turkia).

Ikastaro biak irailaren 21etik 24ra ospatuko dira, Donostiako Nazioarteko Zinemaldiarekin batera. Trebakuntza programa izatetik haratago doaz, topaketa praktikoa eta erreala baitira, nazioarteko zinemaren eremuan proiektuak ustiatzearen inguruan egituratuta. Berlin (otsailean), Cannes (maiatzan) eta Donostia (irailan) hirietako jaialdiekin bat egiten dute.

Bilgune profesional bi hauen inaugurazioa Autore Fundazioko Presidente Manuel Gutierrez Aragon errealizadoreak burutuko du irailaren 21ean.

EUROPEAN FILMS CROSSING BORDERS

European Films Crossing Borders, 2003. urtetik aurrera Autore Fundazioak antolatutako hainbat mintegiez osatzen da. Europar Batasuneko Media prestakuntza programaren diru-laguntza du eta Frantziako Enbaxada Espainian, Donostiako Nazioarteko Zinemaldia, Canneseko Jaialdia (Short Film Corner eta Marché du Film), Eurimages eta Variety ditu laguntzaile.

Hautatutako 23 ikasleen artean badira euskal jatorria dutenak ere: Raul de la Fuente eta Amaia Ramirez, nafarrak biak. Haiekin bat Estatu espainiarreko beste 11 ikasle arituko dira. Gainontzekoak Polonia, Norvegia, Lituania, Suedia, Italia, Portugal edota Austriatik datoz.

Irakasleen artean daude Claudia Landsberger Holland Filmseko zuzendari nagusia eta European Film Promotioneko presidentea (Holanda); Antonio Saura Zebra Ekoizpenakeko produktorea (Espainia); Thorsten Ritter Bavaria Film Internationaleko Marketin zuzendaria (Alemania); Jan Vandierendonck Eurimages-Europako Kontseiluaren idazkari exekutiboa (Belgika); Simon de Santiago, Sogecine/Sogepaq taldeko Produkzio eta Nazioarteko Sailaren zuzendaria (Espainia); eta Saioa Riba Donostiako Zinemaldiaren Salles Officeko kidea.

MEDITERRANEAN FILMS CROSSING BORDERS

Mediterranean Films Crossing Borders Europar Batasunak finantzatutako programa da, Autore Fundazioak antolatuta Conectando Culturasekin batera eta ondorengo laguntzaileekin: Donostiako Zinemaldia, Canneseko Jaialdia (Short Film Corner eta Marché du Film), Variety, Fondation Liban Cinéma, SESAM eta Meda Films Développement.

Bigarren deialdi honetarako, Mediterraneoaren hegoaldeko bederatzi herriren ordezkapena dago: Aljeria, Israel, Jordania, Libano, Maroko, Palestina, Tunisia, Turkia eta Siria. Mediterraneoko zinemaren belaunaldi berriko 25 profesional bilduko dira Donostian emango diren irakatsiei ahalik eta etekin hoberena ateratzeko eta jaialdiaren testuingurua aprobetxatuz haien proiektuak hirira gerturatuko diren ekoizleei aurkezteko.

Topaketa honetako irakasleen artean Michel Gyory nabarmendu behar da, Bruselan abokatua eta Europako zinemaren ekonomian aditua; bai eta Isabelle Fauvel pitching delakoan aditua eta zine-ekoiztetxeen kontsultora edo aholkularia; Pierre Menahem Scalpel Filmsen zuzendaria eta salmenta-agentea; John Durie pelikulen marketin estrategikoan jakitun; edota Bero Beyer Paradise Now palestinar filmearen gidoigilea eta ekoizlea.


210 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin