Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Europako Batasunera egiten den migrazioari buruzko jardunaldiak antolatu ditu Eusko Jaurlaritzak


2006-11-03 12:55

DONOSTIA, 3 (EUROPA PRESS)

Eusko Jaurlaritzako Inmigrazio Zuzendaritzak Hegoaldearen ikuspuntua: Migrazioak Europako Batasunera izernburuko Nazioarteko IV. Jardunaldiak antolatu ditu, eta Estatuko leku desberdinetatik nahiz Maroko, Senegal eta AEBtik joandako migrazio-gaietako hainbat aditu izango dira bertan. Fenomeno hori eta bere ondorioak aztertzen diharduten 170 pertsonak baino gehiagok hartuko dute parte jardunaldiotan.

Jardunaldietan, besteak beste, Kanaria uharteetara txalupaz iristen diren milaka etorkinak, beren sorburu-herrialdeen egoera (batez ere Marokorena eta Saharaz azpiko Afrikarena) eta immigrazioak lan-merkatuan eta gizarte hartzaileetan duen eragina aztertuko dira. Jardunaldiak azaroaren 9an eta 10ean izango dira, Donostiako Miramar Jauregian.

Eusko Jaurlaritzako Inmigrazio Zuzendaritzak antolaturik, jardunaldi horien aztergai nagusia Migrazioak Europako Batasunera izango da. Ikuspegi lasaiak eta azterketa sakonak eskainiko dira gizarte hartzaileetan kezka handia sortzen ari den fenomeno bati buruz.

Helburu horrekin, Inmigrazio Zuzendaritzak zenbait migrazio-ikertzaile bilduko ditu Donostiako Miramar Jauregian. Ikertzaile horiek oso ikuspegi desberdinetatik aztertu dute gaia. Gainera, Estatuko zenbait lekutatik eta Maroko, Senegal nahiz AEBtik etorritako adituak ere izango dira. Beren hitzaldietatik iritzi zehatz bat atera ahal izango da migrazioek herrialde hartzaileetan nahiz sorburu-herrialdeetan duten eraginari buruz, bai eta etorkinek lan egin eta bizi diren herrialdeetan duten egoerari buruz ere.

EGITARAUA

Joaquin Arango Vila-Belda, Ortega y Gasset Institutuko Herritartasunari eta Migrazioei buruzko Ikastegiko zuzendaria izango da aurreneko hizlaria, eta ikuspegi orokorra emango du nazioarteko migrazioei buruz. Migrazioak gertatzen diren modu desberdinei buruz ere jardungo du eta migrazioen arrazoiak eta fenomenoari aurre egiteko politikak ere izango ditu mintzagai.

Ulises Juan Zevallos Aguilar AEBtako Ohio State Universityko irakaslea, jardunaldietan parte hartuko duten 150 lagunak ondoan izango dituela, Iberoamerikan gertatzen den Iparralderako emigrazioaz arituko da. Amina Bargach Familiaren Azterketa eta Tratamendu Sistematikorako elkarte marokoarreko presidentea, berriz, familia-prozesuen eta egungo migrazio-moduen arteko loturaz arituko da.

Arratsaldeko saioan, Deustuko Unibertsitateko Andrea Ruiz Balzola eta Kataluniako CCOO sindikatuko Inmigrazio idazkari Ghassan Saliba Zeghondi, nagusiki, gai hauei buruz arituko dira: etorkinen arazoak, pairatzen dituzten gizarte-bazterketa molde zaharrak eta berriak, eta beraiekin zerikusia duten gaiak erabakitzen parte hartzeko dituzten aukerak.

Lehenengo eguna bukatzeko, Antonio izquierdo Escribano Escuela Publica Gallega de Administracion Publica elkarteko zuzendaria mintzatuko da, immigrazioa eta lan-merkatua gai nagusitzat hartuta.

BIGARREN EGUNA

Hegoaldearen Ikuspuntua jardunaldien bigarren egunean, Kanariar Uharteetara iritsitako milaka etorkinei buruz hitz egingo da. Zehatzago, gai hauek landuko dira: han bizi izan duten krisialdi humanitarioa eta beren seme-alabekin Ozeano Atlantikoa zeharkatzean beren bizitza arriskutan jartzen duten etorkinek azpisaharako beren herrialdeetan bizi duten errealitate gordina.

Ikuspegi errealista eta sakona emango da La Lagunako Unibertsitateko irakasle Ana Lopez Salaren eta Karembenor elkarteko ordezkari Mama Diedhiouren eskutik. Izan ere, gai hori udako albiste nagusia izan da.

Nazioarteko IV. Jardunaldiak bukatzeko, bi ikuspegi eskainiko dira fenomenoari nazioartetik nahiz toki-eremutik aurre egiteko moduari buruz. Luis Miguel Pariza Castaños Europako Batasuneko Batzorde Ekonomiko eta Sozialeko kontseilariak aztertuko du Europako Batasun osorako immigrazio-politikarik hitzartzea ba ote dagoen.

Bestalde, Jose Roberto Marro Eusko Jaurlaritzako Inmigrazio zuzendariak argituko du zein diren immigrazio arloko euskal politikaren gakoak, immigrazioak Euskadin dituen erronka berrien aurrean.

Izan ere, Jose Roberto Marrok dioenez, IV. Jardunaldien egitaraua osatua eta gaurkotasun handikoa da eta horregatik, jardunaldiek indartu eta finkatuko dute migrazioei eta beren ondorioei buruzko azterlanetan ari diren pertsona guztientzat duten erreferentzia-paper erabatekoa.


362 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin