Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Europako Batasunak bigarren tokian jarri du Metro Bilbao Europako 2006ko EMAS Sarietan


2006-11-14 13:31

BILBO, 14 (EUROPA PRESS)

Europako Batasunak 2006ko EMAS Europako Sarietan bigarren tokian jarri berri du Metro Bilbao. Sariak atzo banatu ziren, Atenasen. Greziako Ingurumen eta Osasun ministro Georgios Souflias arduratu zen saria Metro Bilbaoko zuzendari nagusi Rafael Sarriari emateaz. Metro Bilbao, horrela, Europan garapen iraunkorraren alorrean engaiatuen eta gardenen ari den bigarren enpresa da, Italiako Bolonia eskualdearen atzetik.

Metro Bilbaoko iturrien arabera, goraipamenaren garrantzia bikoitza da; izan ere, Metro Bilbaok ez zuen sari horietara aurkezteko eskaririk egin eta Espainiako Gobernuko Ingurumen Ministerioak hautatu zuen hiri-trena, Estatuaren ordezkari izateko EMAS 2006 sarietan, Enpresa Handien kategorian. Sariok, egun, Europa mailako aintzatespenik handiena dira, eta Metro Bilbaorentzat jauzi kualitatibo handia da ingurumena hobetzeko bere konpromisoan.

Metro Bilbaok Espainian bere jarduera guztiak ISO 14001 arauaren arabera egiaztatu ondoren, eta iaz GRI (Global Reporting Initiative) sistemaren parametroen ildotik, bere lehenengo Iraunkortasun Txostena aurkeztu eta gero, beste urrats bat gehiago egin du ingurumenaren hobekuntzaren bidean.

Rafael Sarriaren hitzetan, aukeratu gaituztenean, Metro Bilbaok ingurumenarekin errespetuz jokatzen duten, eta garapen iraunkorraren printzipioekin bat datozen kudeaketa eta teknologiak garatzen egindako ahaleginak onartzen dira.

Europako EMAS arautegia ingurumenaren alorreko jokabidea hobetu nahi duten Europako enpresek aukeran duten mekanismoa da; horrekin, ingurumen legedia betetzen dela, ingurumenari buruzko informazio egokia ematea bermatu, eta enpresak gizartearen eta kontsumitzaileen aurrean duen irudia hobetu nahi da.

EMAS erakunde batek bete behar dituen eta Metro Bilbaok bere egiten dituen konpromisoen artean, ingurumenaren alorrean etengabe hobetzea eta legedia betetzea daude, baita gardentasuna ere, hau da, enpresak ingurumenaren alorrean dituen politikak, egitarauak eta kudeaketa sistemak jendearentzat eskuragarri ipintzea eta interesatuekin elkarrizketa irekia izatea, besteak beste.

EMAS sari hauen aurretik, Metro Bilbaok 2005ean bere ingurumen kudeaketako sistemak Europako ekokudeaketa eta ekoikuskaritza arautegi honekin egiaztatu zituen, eta EMAS ziurtagiria lortu zuen. EMAS arautegia Europako Parlamentuak onetsi zuen, 1993ko ekainean, Europako erakunde guztien ingurumen jokabidea hobetzea bultzatu nahirik, eta jendeari eta alde interesatu guztiei informazio egokia zabaldu nahian.

EMASen erregistratuta egoteak indarreko legedia betetzen dela esan nahi du, eta horrez gain, gardentasun osoaren adierazgarri ere bada, ingurumen datuak aldioro argitararazten dituelako, eta argitaratutako datu horiei buruzko edozein kontsultari erantzutera behartzen duelako enpresa.

Alde horretatik, Metro Bilbaok bi Ingurumen Txosten argitaratu ditu jada, 2002 eta 2003 urteetakoak, eta Iraunkortasun Txosten bat, 2004 urteari buruzkoa. Informazio hori guztia ikusgai dago gure web orrialdean: www.metrobilbao.com. Laster bigarren iraunkortasun txostena argitaratuko da, 2005 urteko datuekin.


151 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin