Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eudelek Lurzoru eta Hirigintzari buruzko Lege berriaren inguruko informazio-zerbitzua jarri du bere webgunean


2006-09-20 17:07

BILBO, 20 (EUROPA PRESS)

Lurzoru eta Hirigintzari buruzko ekainaren 30eko 2/2006 Lege berria indarrean sartzeak Euskal Autonomia Erkidegoko (EAE) Udalen artean sor ditzakeen beharrizanei erantzuteko, Eudelek zerbitzu berri bat jarri du martxan gaurtik aurrera www.eudel.net web-orrian. Postontzi bat sortu da, Lege horrek sor ditzakeen zalantza guztiak jaso eta erantzun arin eta eraginkorra emateko.

Udalen ikuspuntutik legearen beharrezko interpretazioa koordinatzeko asmoz, interpretazio posibleetatik sortutako kezkak jasotzeko bide bat egokitu da, Euskadiko Udalen Elkarteko iturriek gaur jakinarazi dutenez.

Era berean, webguneak laguntza emateko tresna berriak ditu, Legearen testuaren ulermena edo lana errazteko. Horrela, webgunearen atal batean, lanerako dokumentuak lor daitezke (Legearen aurkibidea, nobedadeak, testua zutabe bitan eta abar). Atal hori Udalek egindako ekarpenekin aberastu ahal izango da.

Kontuan izanik Lege berria betetzeko orduan Udalek lehenengo beharko dutena Laguntzarako gidaliburuak izango direla, Eudelek zenbait dokumentu jarri ditu Udal guztien eskura. Modu horretan, errazagoa izango da Legea aplikatzea, xedapen iragankorren hasierako momentuan.

Gainera, www.eudel.net webgunean Udalei zuzendutako agiri tipoen atal bat sortu da, hirigintza eta etxebizitza gaietan zentratuz. Bertan, Legeak Eudeli emandako eginbeharrei buruzko lana dago garatuta (hirigintzari buruzko ordenantza tipoa, eraikuntzei buruzko ordenantza tipoa), eta beste agiri tipo batzuk ere badaude (Hirigintzako Aholkularitza Kontseiluaren Araudia, Udalek tasatutako etxebizitzei buruzko ordenantza tipoa), Udalek egindako eskaeren eta iradokizunen arabera.

Lanerako tresna berri honekin, Euskadiko Udalen Elkarteak Tokiko Gobernuen lana babesten eta sustatzen jarraitu nahi du, eta, gainera, zerbitzu berriak eskaini nahi ditu, modu arin eta eraginkorrean, garai berriekin bat eginez.


113 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin