Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eudelek euskara zerbitzu berria izango du, udalen lana koordinatu eta euskararen erabilera sustatzeko planak bultzatzeko


2006-10-10 12:49

BILBO, 10 (EUROPA PRESS)

Euskadiko Udalen Elkarteak (Eudel) euskara zerbitzu berria jarriko du martxan laster, udalen lana koordinatzeko eta udalerrietan euskararen erabilera sustatzeko plan orokorrak bultzatzeko, Eudeleko iturriek prentsa-ohar bidez gaur iragarri dutenez.

Eudelek eta Eusko Jaurlaritzako Hizkuntz Politikarako Sailburuordetzak lankidetza-hitzarmen bat sinatuko dute udalerrietan euskararen erabilera sustatzeko plan orokorrak definitu eta garatzeko. Helburu nagusia izango da Eudeletik xede honetara bereziki zuzendutako koordinazio eta aholkularitza zerbitzua ematea. Horretarako, Eudelek arlo honetako teknikari espezialista bat izango du luze barik.

Era berean, eta Eudelen euskara zerbitzu berri hau behar bezala abian jartzeko, Eusko Jaurlaritzako Hizkuntz Politikarako Sailburuordetzak azterketa bat egingo du, egoeraren diagnostikoa egiteko eta Euskararen Erabilera Sustatzeko Plan Orokorraren garapen eremuak identifikatzeko.

Eudelek udal guztiei eskainiko dien euskara zerbitzu berriaren asmoa tresna berria izatea da, udalen lana koordinatzeaz gain, Eusko Jaurlaritza-Udalak erakunde arteko lana ere koordinatu eta sustatuko duena. Eudelek Tokiko Gobernuei ematen dizkien gainerako aholkularitza eta laguntza zerbitzuetan legez, egunero kontsultatu ahal izango dira euskara sustatzeko planak martxan jartzeari buruzko zalantza guztiak, koordinazio eta elkarrizketa bilerak antolatuko dira eta abar.

Halaber, zerbitzu berri hau eraginkorra izan dadin eta bai Eudelek zein Eusko Jaurlaritzako Hizkuntz Politikarako Sailburuordetzak hartutako konpromisoak bete daitezen, jarraipenerako batzorde misto bat eratuko da.


187 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin