Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eudelek eta EEEk ekimen energetiko berritzaile eta arrakastatsuenak bultzatu dituzten udalerriak sarituko dituzte


2006-11-30 13:03

BILBO, 30 (EUROPA PRESS)

Euskadiko Udalen Elkarteak (Eudel) eta Energiaren Euskal Erakundeak (EEE) jardunaldi bat egingo dute abenduaren 4an, Euskadiko udalei Udalener aurkezteko eta, bide batez, Energia Sariak emango dizkiete zenbait kategoriatako proiektu energetikoen aldeko apustua egiteagatik nabarmendu diren lau udali.

Bi erakundeetako iturrien arabera, Udalener programa informatiko berri eta aitzindaria da, eta, horri esker, Euskadiko udalek udalerriko kudeaketa energetikoa kalifikatu ahal izango dute, bai eta jarraipen egokia egin eta arlo honetako ekintza ildoak abiarazi ere.

Aurkezpenaren markoan, esan bezala, Energia Sariak emango zaizkie zenbait kategoriatako proiektu energetikoen aldeko apustua egiteagatik nabarmendu diren lau udali. Kategoriak lau dira: Energiaren arrazoizko erabilera; Eguzkiko Energia Termikoa; Eguzkiko Energia Fotovoltaikoa; eta udalaren ibilbidea kudeaketa energetikoan.

Energia Sariak banatzeko ekitaldia 11,00etatik aurrera izango da Eudelen egoitzan, eta Eudeleko buru Karmelo Sainz de la Mazak eta EEE Taldeko zuzendari nagusi Jose Ignacio Hormaechek banatuko dituzte. Ondoren, udal irabazleen ordezkariek Euskadiko Udalei zuzendutako Energia Sarien laugarren edizio honetan saritutako proiektuak ezagutaraziko dituzte.


169 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin