Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eudelek azaroaren 3an hasiko ditu EAEko toki-gobernuetako ordezkarientzako trebakuntza ikastaroak


2006-10-17 17:18

BILBO, 17 (EUROPA PRESS)

Azaroaren 3an hasiko da Euskadiko Udalen Elkarteak (Eudel) urtero antolatzen duen trebakuntza-eskaintza, Euskal Autonomia Erkidegoko Tokiko Gobernuetako ordezkarientzako kalitatezko trebakuntza sustatzen jarraitzeko asmoz, erakundeko iturriek prentsa-ohar bidez iragarri dutenez.

2002an, modu aitzindarian, Trebakuntza Ikastaroak abian jarri zirenetik, EAEko eta Estatuko beste autonomia erkidego batzuetako 1.000 hautetsi inguruk hartu dute parte tokiko ordezkarientzako ikastaro hauetan.

Laugarren urtez jarraian, Eudelek udaletako alkate, zinegotzi eta zuzendariei zuzendutako mintegi serie bat aurkeztu du, trebakuntzarako aukera zehatz berriak eskaintzeko eta arlo horretan aurrera egiten jarraitzeko. Aukera horiek bat etorriko dira Tokiko Gobernuen eguneroko beharrizanekin.

Udal ordezkariek izaten duten partaidetzaren arrakastak eta aurreko edizioetako asetze maila handiak animatuta, Eudelek bost mintegi zehatz proposatuko ditu ikasturte berrirako, denak ere ospe handiko profesionalen eskutik.

Mintegi hauek prestakuntza-jardunaldi laburrak izango dira. Orientazio praktikoa izango dute, eta Tokiko Gobernuetan politika eta zuzendaritza ezagutzak eta trebetasunak eguneratu eta partekatzea izango da helburua.

Bost Mintegi hauetan landuko diren gaiak arlo horietako adituek aztertuko dituzte. Kontratisten betearazpenaren kontrola zerbitzu kontratuetan; funtzionamendu administratiboa erraztu eta hobetzeko neurri errazak; herritarren parte-hartzearen plangintza; toki-politikarako marketinga; eta informazio-medioetan komunikatzea dira bost gaiak.

Laugarren edizio honetan ere, Eudelen Bilboko egoitzan egingo dira mintegiak, eta haietako batean matrikulatzeko interesa duten pertsonek urriaren 30a baino lehen eman beharko dute izena.


139 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin