Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eta Kitto! aldizkariak eta Euskaltelek jaso dute 2008ko Ukan saria berrikuntzan eta publizitatean, hurrenez hurren


2009-02-02 13:54

DONOSTIA, 2 (EUROPA PRESS)

Eibarko Eta Kitto! aldizkariak jaso du 2008ko Ukan saria Berrikuntzaren alorrean eta Dimension agentziak sorturiko Euskaltelen kable optikoko kanpainak Publizitatearen alorrean. Gainera, Dermitek klinika dermatologikoaren euskarazko publizitateak aipamen berezia jaso du.

Miren Azkarate Eusko Jaurlaritzako Kultura sailburua eta Patxi Baztarrika Hizkuntza Politikarako sailburuordea izan dira sariak emateko arduradunak. Ekitaldia 11:00 hasi da Donostiako Victoria Eugenia Antzokiko Club aretoan, Edurne Ormazabal kazetariak aurkeztuta.

Eta Kitto! aldizkariaren izenean Juan Barahona zuzendariak eta Koldo Mitxelena koordinatzaileak jaso dute Ukan saria. Nerea Landa Dermitekeko zuzendariak eta Aitor Markaida Euskalteleko Marketing zuzendariak ere jaso dituzte beren sariak.

Baztarrikak azaldu duenez, edukien eta egituren etengabeko hobekuntzagatik eman zaio Ukan saria Eta Kitto! aldizkariari. Euskaltelek eta Dermitekek, aldiz, euskaraz pentsatu eta diseinaturiko publizitate kanpainen sormenagatik lortu dute saria.

Halaber, hizkuntzarentzat hedabideetan bere espazioa aurkitzeak eta berrikuntzak duten garrantzia nabarmendu du Azkaratek. Sarituen lana eskertu du eta lan horren onuradunak, erakunde horiekin batera, euskara eta herritarrak direla gogoratu du.

Kultura sailburuak gogoratu du egiteko gehiago gelditzen dagoela euskarari behar eta merezi duen garrantzia emateko. Gainera, euskararen normalizazioaren prozsesuan ematen diren aurrerapausoak, gizartearen kohesioa alde ematen diren aurrerapausoak direla azpimarratu du.

Bestalde, Baztarrikak berrikuntzaren eta euskararen esparru guztietan eta, bereziki, euskaran moteltasunak apurtzearen garrantzia nabarmendu du, aurrerapenaren pizgarria delako edonoiz.


463 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin