Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Estatuko eta Europako aditu ospetsuak bilduko dira Bilbon Kultur etxe berriak Europan Nazioarteko Biltzarrean


2006-02-02 16:45

Euskalduna Jauregian izango da otasilak 22, 23 eta 24an eta Europan kultur ekipamenduen inguruko esperientziariak azalduko dira

BILBO, 2 (EUROPA PRESS)

Bilboko Euskalduna Jauregiak hartuko du otsailaren 22, 23 eta 24an Kultur etxe berriak Europan izeneko Nazioarteko Biltzarra, beratn Estatuko eta Europako aditu ospetsuak bilduko direlarik kontinente zaharrean egin diren kultur ekipamenduen inguruko esperientziarik aipagarrienak azaldu asmoz

Arduradunek gaur goizean prentsaurreko batean adierazi dutenez, biltzarra Xabide, Kultur Kudeaketa eta Komunikazio Globala Taldeak antolatu du, eta Estatuko eta Europako kultur etxeen esparruko hainbat aditu ospetsuk hartuko dute parte bertan.

Xabide Taldeko Kontseilari Ordezkaria den Roberto Gomez de la Iglesiaren arabera, azken urteotan kultur ekipamenduetan gertatutako loraldiari erantzun nahi zaio, eta horregatik da, hain zuzen, garrantzitsua. Horren hitzetan halako etxeak ez dira beti aurretik egindako bideragarritasunari eta inguruari buruzko azterketa bati jarraituz garatzen.

Gainera, azken aldi honetan kultur irla bilakatzen diren kultur etxeen erreprodukzioak ari gara egiten, errealitatea, berez, nolabaiteko nahastura bat denean. Izan ere, hiritarren jokabidean ez dira bereizten kultura, aisialdia..., dena nahastuta agertzen da. Historian zehar ere hiririk aberatsenetan nahastu egiten ziren topalekuak. Beraz, kultur etxe irekiago eta eklektikoagoetara itzuli beharra dago, non hiria erreproduzituko den. Kultur etxeek hiritarren araberakoak izan behar dute eta ez sortzaileen interesen araberakoak soilik, adierazi du.

IZEN-EMATE MOTAK

Biltzarrari berari dagokionez, ekimen hau beste urrats bat da Xabide Taldearen bilakaeran. Hauxe da egiten dugun bosgarren edizioa eta ia 20 urteko ibilbidea egin ostean, gogotsu jarraitzen dugu Euskadiko eta Estatuko kultur kudeaketaren ezagutza eta aurrerabiderako ahaleginean. Gainera, edizio hau nazioartekoa izatea gure enpresak hazteko duen proiektuaren barruan sartzen da, azaldu du Roberto Gómez de la Iglesiak.

Ekimen pribatua eta sektore publikoa kulturaren kudeaketan Jardunaldien ekimena 1997tik aurrera hasi zen garatzen Xabide, Kultur Kudeaketa eta Komunikazio Globala Taldearen eskutik, eta dagoeneko erreferente bihurtu da hala bertan nola estatuan esparru publikoko eta pribatuko eragileentzat, hausnartzeko eta jakintza zein esperientziak trukatzeko gune izateagatik.



Kultur etxe berriak Europan berariazko izenburua duela, honako hauek dira Nazioarteko Biltzar horren helburu nagusiak: kultur ekipamenduen balioarekin eta kultur eta lurralde-kudeaketarekin lotura duten alderdiak aztertzea. Kuotak eta izena emateko epeak www.grupoxabide.es helbidean begira daitezke.


141 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin