Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Eskola mailako Herri Kirol Topaketa Bakion (Bizkaia) du geldiunea igandean


2009-01-23 12:01

BILBO, 23 (EUROPA PRESS)

Eskola mailan 2007-2008 ikasturtean egindako Herri Kirol Topaketaren arrakasta ikusita, kurtso honetan errepikatzea erabaki dute, eta Bakioko (Bizkaia) kiroldegian izango da hurrengo hitzordua igande honetan. Lehiaketa guztiak goizez burutuko dira eta hurrengo frogak jokatuko dituzte: txingak, lokotx bilketa, zaku lasterketa, gizon proba, lastoa altxatu, sokatira, gurdia eta ingudea, Bakioko Udaletik azaldu dutenez.

Bizkaiko Euskal Joko eta Kirol Federazioak Bakioko Udalaren eta Bizkaiko Foru Aldundiaren laguntzaz antolatutako Herri Kirol Topaketak Bizkaia osoan burutzen dira, zonaldeka banatuta. Hiru zonalde bereizi dituzte, eta Bakioko topaketa Uribe Kostako zonaldeko lehiaketaren barruan sartzen da.

Guztira, hiru topaketa egongo dira Uribe Kostan eta hauetako lehenengo topaketa da Bakiokoa; otsailaren 22an Getxon eta martxoaren 22an Mungian burutuko dira Uribe Kostari dagozkion beste bi topaketak. Hirugarren topaketan zonaldeko finala jokatuko da.

Hauez gain, zonaldeko topaketen ostean, laugarren topaketa bat burutuko da, Bizkaiko finala alegia. Bertan, herrialdeko hiru zonaldeko talde guztiak oraindik zehaztugabe dagoen toki batean lehiatuko dira.


191 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin