Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ertzaintzak lau lagun atxilotu dituzte Bilbon hanburgesategi bateko kutxa erregistratzailea lapurtzeagatik


2006-02-24 17:30



BILBO, 24 (EUROPA PRESS)

Bilboko Ertzainetxeko agenteek 17 eta 25 urte arteko lau gazte (horietako bi Bizkaiko hiriburuko bizilagunak dira eta gainerako biak Arrigorriagakoak) atxilotu dituzte bart, indarra erabilita lapurreta egin dutelakoan. Antza denez, ostatu bateko kutxa erregistratzailea lapurtu dute, sarrerako atea indarrez hautsi ondoren.

Ertzaintzaren esanetan, bart, 23,25 aldera, lagun batek Ertzaintzari jakinarazi dionez, lagun batzuk Otxarkoagako hanburgesategi batean lapurretan ari ziren, autoz iritsi ostean. Patruila bat aipatutako lekurantz zihoala, lapurretan erabilitako autoa ikusi dute, alde egiten eta BI-631 errepidea Boluetarako noranzkoan hartzen.

Agenteek errepide horretan harrapatu dute autoa, eta lau bidaiariak identifikatu dituzte (ondasunaren aurkako delituengatik aurrekari polizialak zituzten laurek). Gazteok ehun eta hamabost euro inguru zituzten (gehinenak txanponak) euren gauzen artean, ustez lapurreta egin zuten dendan ostutakoak.

Gainera, ertzainek ahuntz-hanka bat, hiru bihurkin, telefono mugikorra eta hura kargatzeko tresna zituen poltsa bat, irratikasete bat, cd-ak kargatzeko gailua eta hainbat bozgorailu aurkitu dituzte autoan, besteak beste.

Lau gazteok Poliziaren egoitzara eraman dituzte atxilotuta, indarra erabilita ustez lapurreta egiteagatik. Gaurko (ostirala) egunean zehar, epailearen esku utziko dituzte.


349 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin