Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ertzaintzak hiru lagun atxilotu ditu Bilbon denda batean material informatikoa lapurtzeagatik


2006-01-16 17:45

Barakaldon gizon bat atxilotu dute emakume edadetu bati lapurreta egiten saiatzeagatik

BILBO, 16 (EUROPA PRESS)



Bilboko Ertzainetxeko agenteek hiru gazte atxilotu dituzte Bizkaiko hiriburuan gaur goizaldean, denda batean material informatikoa lapurtzeagatik. Era berean, eta euskal poliziak baita bidalitako komunikatu baten arabera, gizon bat atxilotu dute emakume edadetu bati lapurreta egiten saiatzeagatik Barakaldon.

Lapurrek dendaren pertsiana indarrez ireki eta erakusleihoaren kristaletako bat apurtu dute barrura sartzeko. Ondoren, hainbat gauza lapurtu dituzte, guztira, 2.000 euroko baliokoak.

Gaur goizaldeko 4,00ak baino minutu batzuk lehenago, Ertzaintzak Errekalde plazako (Bilbo) informatika denda batean ustez izandako lapurreta baten abisua jaso du. Jarraian, denda horrek pertsiana indarrez irekita eta kristala hautsita zituela egiaztatu dute, eta ustezko egileen bila hasi dira.

Handik zenbait minututara, lekukoek emandako deskribapen fisiko bera zuten bi gazte atxilotu dituzte. Gordoniz eta Sollube kaleek bat egiten duten lekuan identifikatu dituzte biak. Aldi berean, beste gazte bat (hirugarrena) atxilotu dute, lapurretan parte hartu duelakoan.

Ondoren, lapurturiko materiala non gorde duten jakin dute ertzainek. Lapurrek Serantes kalean aparkaturiko auto baten azpiko aldean gorde dute materiala. Han, zenbait objektu aurkitu dituzte, ordenagailu eramangarri bat, bi kamera digital, bi ordenagailu-pantaila, DVD-erreproduzigailua eta lurreko sintonizadore digitala, besteak beste. Hori guztia 2.000 eurotan baloratu dute.

Identifikaturiko hiru gazteak, 17 eta 23 urte bitartekoak eta aurretik ere hainbatetan atxilotuak, atzitu egin dituzte lapurreta delitua leporatuta.

EMAKUME EDADETU BATI POLTZO TIRAKADA BARAKALDON

Ertzaintzako agenteek barakaldar bat atxilotu zuten atzo eguerdian hiri hartan, emakume edadetu bati indarrez tira eginda zorroa lapurtzen saiatzea egotzita. Lanean ez zegoen ertzain batek gizona geldiarazi zuen, alde egiten ahalegindu zenean.

Atzo eguerdian, lanean ez zegoen Ertzaintzako agente batek korrika hurbiltzen ari zitzaion gazte bat eta haren atzean emakume bat laguntza eske ikusi zituen Barakaldoko Zorrilla kalean. Ertzainak polizia dela esan eta gizona geldiarazi zuen.

Horren ostean, harrapatutakoa tira eginda zorroa lapurtzen saiatu zela esan zion emakumeak. Hori dela eta, agenteak geldiarazita izan zuen patruila bat heldu zen arte. Poliziek J.M.P.L. (41 urtekoa eta Barakaldoko bizilaguna) atxilotu zuten, indarkeria erabilita lapurreta egitea leporatuta.


300 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin