Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ertzaintzak bihar ekingo dio berriro urtarrilaren 2an Zizrkilen galdutako 75 urteko gizonaren bilaketari


2006-01-16 18:51

Gaur goizean Lemoan istripu baten lekukoen bila dabil Ertzaintza

BILBO, 16 (EUROPA PRESS)

Eusko Jaurlaritzako Herrizaingo Saileko mende dagoen Euskal Poliziak bihar ekingo dio berriz iragan urtarrilaren 2an Zizurkilen desagertutako gizonaren bilatzeari eta bestetik, istripu baten lekukoen bila dabil Ertzaintza, komunikatu batean argitzen dutenaren arabera.

Bihar hasiko dituzte berriz ere iragan urtarrilaren 2an Zizurkilen desagertu zen 75 urteko gizona aurkitzeko lanak. Bilaketa Oria ibaian egingo dute, Villabona eta Lasarte-Oria herrien arteko tartean, hain zuzen ere.

Zeregin horretan Ertzaintzako Talde Mugikorraren mendiko eta urpeko agenteak, Hernaniko polizia-etxeko agenteak eta DYAko eta Gurutze Gorriko kideak arituko dira, Eusko Jaurlaritzaren Larrialdiei Aurregiteko Zerbitzuaren teknikariek koordinatuta.

Abiapuntua Villabonako kiroldegiaren aparkalekua izango da goizeko bederatzietan. Oria ibaiaren maila jaitsi da azken egunotan, hori dela eta, bilaketa egingo dute desagertutako pertsona urloren batean ote dagoen ikusteko.

Bestetik, gaur goizean N-240 errepidean, Lemoan, izandako istripua ikusi duten balizko lekukoen bila dabil Ertzaintza. Istripua goizeko 8,15etan gertatu da; Ford Orion batek eta Volkswagen California furgoneta batek aurrez aurre jo dute.

Ondorioz, emakume bat hil da eta beste hiru pertsona zauritu dira, eta horietako bat larri dago. Ezbehar hau ikusi duten pertsonen laguntza eskatzen du orain Ertzaintzak. Balizko lekukoek Bizkaiko Trafiko Unitateko ikerketa arlora deitu behar dute, telefono-zenbaki honetara: 94 607 90 76.


586 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin