Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ertzaintzak bi droga-trafikatzaile atxilotu ditu Eibarren aldean bi kilo haxix zituztela


2006-01-12 14:07

Arrigorriagan beste lagun bat auto bat lapurtzeagatik atxilotua

BILBO, 12 (EUROPA PRESS)

Ertzaintzak bi gazte, 19 eta 33 urtekoak, atxilotu zituzten atzo arratsaldean Eibarren, ustez gai estupefazienteekin trafikatzeagatik. Bestalde, Arrigorriagan 43 urteko setaotar bat atxilotu zuten euskal poliziek auto bat lapurtzeagatik, Eusko Jaurlaritzako Herrizaingo Sailak komunikatu batean jakinarazi duenez.

Eibarko bi bi atxilotuak auto batean zihoazen eta 30 kilo haxix inguru atzeman zizkieten ibilgailu barruan. Orain dela hilabete, Eibarko Ertzainetxeko agenteak pertsona bat (N.E., 33 urtekoa) ikertzen hasi ziren. Izan ere, ingurune horretan gai sorgorgarriekin trafikatzen zuela susmatzen zuten.

Ertzainek beraien susmoak baieztatu zituzten atzo arratsaldean, N.E. eta beste lagun bat zihoazen ibilgailua geldiarazi zutenean, Eibarren, Azitain auzoan.

Agenteek autoa ikuskatu eta 30 kilo haxix tabletatan atzeman zituzten. Horren ondorioz, N.E. eta harekin zihoan laguna (M.S.A.A., 19 urtekoa) atxilotu zituzten, drogekin trafikatzea leporatuta.

ARRIGORRIAGAN AUTO BAT LAPURRETA



Sestaoko lagun bat atxilotu zuten atzo arratsaldean Ertzaintzako agenteek, Bilbon ostutako auto baten lapurretan zerikusia duelakoan. Atzo arratsaldean, Ertzaintzako agenteak Ollargan auzoa (Arrigorriaga) zaintzen ari zirela, bi lagun ikusi zituzten auto batean, horietako bat inguruotako gaizkile ezaguna.

Agenteek, orduan, auto horren inguruko informazioa eskatu zuten irrati-emisora bidez, eta Koordinazio Zentrotik ertzainen usteak baieztatu zituzten: goizeko lehen orduan Zamakola Bilboko auzoan ostutako autoa zen.

Autoko bidaiariengana jo zuten agenteek eta gidaria, polizien presentziaz jabetuta, autoa martxan jarri eta irteerarik gabeko kale baten bukaeraraino joan zen. Ondoren, autotik arrapaladan atera eta ihes egin zuen; kopilotua, bestalde, J.C.R.T., 43 urtekoa, auto barruan gelditu zen eta bertan atxilotu zuten auto bat ebastea egotzita. Lapurretan zerikusia izan zuen beste laguna aurkitzeko lanetan dihardu oraindik Ertzaintzak.


423 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin