Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ertzaintzak 60 kilo haxix atzeman ditu Gasteizen eta hiriburuan droga banatzen zuten sare bateko bi kide atxilotu dira


2006-02-08 18:59



GASTEIZ, 8 (EUROPA PRESS)

Gasteizko Ertzainetxeko agenteek bi lagun atxilotu zituzten atzo arratsaldean, Arabako hiriburuan droga banatzen zuen sare bateko kideak izatea egotzita. Etxebizitza bat miatu ostean, guztira 60 kilo droga (haxixa) inkautatu dituzte agenteek, baita droga manipulatu eta prestatzeko hainbat tresna ere.

Euskal Poliziaren arabera, gertaerak atzo arratsaldean jazo ziren, Konstituzio plazan ikertzen ari zenean, Gasteizko Ertzainetxeko ikerketa-talde batek gizonezko bat ikusi zuen, eskuin eskuan paperezko poltsa bat zeramala. Agenteek aurretik ezagutzen zuten lagun hori, droga trafikatzen den tabernagune batean sarri ibiltzen delako.

Ertzainek R.M. (20 urte) identifikatu zuten eta substantzia marroia (bi kilo haxix zirela ikusi zuten gero) zeramaten bi pakete aurkitu zizkioten poltsa barruan. Horren ondorioz, ertzainek R.M. atzitu zuten, droga-trafikoaren delitua leporatuta.

Gaueko 21,15 inguruan, atxilotuak Konstituzio plazan duen etxera joan zen Ertzaintza. Etxebizitza miatzen zuten bitartean, K.B. 37 urteko emakumezko madrildarra identifikatu zuten. Andreak adierazi zuenez, ez zen han bizi, aurreko egunean iritsi zen Madrildik eta gaua etxebizitza hartako gela batean igaro zuen.

Gela hori ikuskatuta, ertzainek bi maleta atzeman zituzten; horrez gain, substantzia konpaktuzko tableta marroiak (ondoren haxixa zela egiaztatu zuten) ikusi zituzten. Horren guztiaren ondorioz, Ertzaintzak emakumea atxilotu zuen, osasun publikoaren aurkako delitua leporatuta.

Azkenik, miaketa sakona egin eta gero, Ertzaintzak 60 kilo droga (haxix) atzeman ditu, baita droga manipulatzeko hainbat tresna ere. Ertzaintzaren ikerketek agerian utzi dutenez, Arabako hiriburuan haxixa banatzen zuen sare bateko kideak dira bi atxilotuak. Ertzaintzak sare horretako hirugarren kide bat identifikatu du eta horren atxiloketa erraztuko duten ikerketarekin jarraitzen du.


224 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin