Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ertzaintzak 39 urteko gizonezko bat atxilotu du Bilbon perfume-denda batean indarkeriaz lapurtzeagatik


2006-02-01 16:55

Torreurizar auzuneko 27 urteko beste gazte bat atxilotua emazteari tratu txarrak eman zizkiolakoan

BILBO, 1 (EUROPA PRESS)

Bilboko Ertzainetxeko agenteek 39 urteko gizonezkoa atzitu zuten atzo, joan den urtarrilean Bizkaiko hiriburuko denda batean lapurreta delitua egin zuelakoan. Bestalde, hiriburu bizkaitarreko Torreurizar auzuneko 27 urteko beste gazte bat atxilotua emazteari tratu txarrak eman zizkiolakoan, azaltzen da euskal poliziak bidalitako prentsa-ohar batean.

Lehen gertakaria atzo izan zen, arratsaldeko azken orduan, Ertzaintzako agenteek hainbat lagun identifikatu baitzituzten Bilboko Erriberako merkatuaren alboan, Ertzaintzari abisua eman zion herritar baten eskariz.

Koordinazio zentroko informazioaren arabera, identifikaturiko lagunetako bat atxilotzeko agindua emanda zegoen, urtarrilaren 21ean perfume-denda batean, Bilbon, indarkeriaz lapurreta egin zuelakoan.

Ustezko delitua denda batean jazo zen; gizonezko bat bi perfume osten ahalegindu zen. Itxuraz, ustezko lapurrak dendari bat aurpegian jo zuen, ostea eragozten saiatu zenean, eta langilea osasun zentro batera eraman behar izan zuten.

Ertzainek A.P.R., lapurreta delituengatik aurrekariak dituen gizonezkoa, atzeman zuten. Atxilotua Bilboko Epaitegiaren esku geratuko da gaur.

EMAZTEARI ERASOTZEAGATIK ATXILOTUA

Ertzaintzako agenteek M.S. (27 urte) atxilotu zuten atzo,

Ertzaintzako patruilak Torreurizar auzuneko etxe batera joan ziren, bikote bat istiluka eta eztabaidan gogor ari zelako abisua jaso ondoren.

Agenteek jasotako informazioaren arabera, senarrak biktimaren telefono mugikorra apurtu zuen, emaztea deitzen saiatzen ari zenean. Senarrak besotik heldu zuen eta atearen aurka bultzatu zuen, eta, gero, biktima Deustuko anbulatorioan artatu zuten.

Horrez gain, kalteak egin zituzten etxebizitzako hainbat objektutan. Gertaera horien ondorioz, ertzainek gizonezkoa atxilotu zuten eta epailearen esku geratuko da, egin beharreko izapideak amaitu ostean.


238 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin