Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ertzaintzak 3.700 proba baino gehiago egin zituen alkoholemia aurrezaintzeko abenduko kanpainan, 195 salakaterakin


2006-01-11 11:37



BILBO, 11 (EUROPA PRESS)

Eusko Jaurlaritzako Herrizaingo Sailaren mende dagoen euskal poliziak guztira 3.741 gidariri egin zion alkoholemia-proba iazko abenduaren 9tik 31ra bitartean euskal errepideetan egin zuen zaintza eta kontrol kanpaina berezian. Baimendutako tasa gainditzearren 195 salaketa jarri zituzten, Ertzaintzak berak prentsa-ohar batean azaltzen duenaren arabera.



Kanpainak iraun zuen 22 egunetan 502 gidariri egin zioten proba Araban, eta horietatik 19 salatu zituzten, positibo ematearren. Bizkaian kontrolatutako 2.079 gidarietatik 123k araua hautsi zuten. Azkenik, Gipuzkoan aztertutako 1.160 gidarietatik 53k gainditu zuten baimendutako alkohol-maila.



Kontrolei dagokienez Araban 64, Bizkaian 211 eta Gipuzkoan 128 egin ziren, EAEko hiru probinztietan, beraz 403 kontrol guztira. Bestalde, proben esparruan, Araban 502, Bizkaian 2.079 eta Gipuzkoan 1.160 izan ziren, 3.741 proba guztira.

Ertzaintzaren arabera, kontrolak egunero egin dira (goizetan, arratsaldetan eta gauetan) eta asteburuetan eta gauetan areagotu egin dira. Autobide eta autobiek lehentasuna izan dute kontrolguneak jartzerakoan.

UDALTZAINEN LAGUNTZAREKIN

Bazkariaren ondorengo kopei aurre egitea izan da arratsaldeetako kontrolen helburua. Ostiral eta larunbatetan, berriz, kontrolgune gehien jarri dituzten lekuak gaueko parrandarekin lotutako joan-etorriak egiten diren herri nagusienetako sarrerak izan dira.

Kontrolak gehitzea ekarri duen kanpaina honetan, hainbat herritako Udaltzaingok parte hartu dute, horien artean hiru hiriburuetakoek. Ekimen hau 2003-2006rako prestatutako Bide Segurtasunerako Plan Estrategikoaren barruan jasota dago, eta Eusko Jaurlaritzak, Foru Aldundiek, zenbait Udalek eta errepideen zein trafikoaren ardura duten erakunde pribatuek parte hartu dute.

Eusko Jaurlaritzako Trafiko Zuzendaritzak Ertzaintzaren datuak jasota kaleratutakoaren arabera, 2004an alkoholak eragindako trafiko-istripuetan, 1.156 lagun egon ziren inplikatuta (hil, zauritu eta onik atera zirenak kontuan hartuta), istripuetan inplikatutako guztien %3,7 hain zuzen ere.


166 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin