Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ertzaintzak 32 urteko gizonezko bat atxilotu du Bilbon bikotekdieari aurpegian jotzeagatik


2006-01-23 14:15

BILBO, 23 (EUROPA PRESS)

Bilboko 32 urteko bizilagun bat (L.F.S.B.) atxilotu zuen atzo gauean Ertzaintzak neska-lagunari aurpegian burukada bat jotzea leporatuta, euskal poliziak gaur igorritako komunikatu baten arabera.

Gertaerak atzo gaueko 22,20an hasi ziren. Ertzaintzako patruila bat Bilboko etxebizitza batera joan zen, emakume batek telefonoz deitu ostean. Bikotekidea erasotzen ari zitzaiola esan zuen.

Aurrez aipatutako patruila horretako agenteak berehala joan ziren esandako lekura. Biktimak adierazi zienez, etxera iritsi zenean, duela gutxi erositako telebista bat falta zela sumatu zuen. Orduan, bikotekideari non zegoen galdetu zion eta honen erantzuna berea zela eta saldu egin zuela izan zen.

Horren ondorioz, emakumea bi seme-alabekin etxetik alde egiteko prestatzen hasi zen. Gizonak, ordea, besotik heldu eta burukada bat eman zion aurpegian. Jarraian, biktimaren semea gelatik irten zen gizona geldiarazteko asmoz, baina honek bularretik heldu zion adin txikikoari eta jotzen hasi zen.

Gertaera hauen aurrean, ertzainek L.F.S.B. (Bilboko 32 urteko bizilaguna) atxilotu zuten, etxeko indarkeriaren delitu bat leporatuta. Emakumea, aldiz, erietxe batera eraman zuten zauriak sendatzeko.

Ondoren egiaztatu denez, atxilotuak beste eraso bat egin zion biktimari duela hiru aste. Orduan, erasotzaileak lepotik heldu zion indarrez, baina emakumeak ez zuen salaketarik jarri. Atxilotua Bilboko Guardiako Epaitegiko epailearen aurrera eramango dute hurrengo orduetan.


185 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin