Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ertzaintzak 28 urteko gizonezko bat atxilotu du goizaldean Donostian auto batean lapurtu ondoren


2006-01-18 17:41

DONOSTIA, 18 (EUROPA PRESS)

Donostiako Ertzainetxeko agenteek 28 urteko gizonezko bat atxilotu dute gaur goizaldean, Ategorrietako Galtzara Zaharrean aparkatutako furgoneta batean lapurreta egitea leporatuta, euskal poliziak bere web-gunean azaltzen duenarenb arabera.

Gaur goizaldeko 5,30ak aldera Ertzaintzako agenteak Ategorrietako Galtzara Zaharrera (Donostia) joan dira, ustez ibilgailu batean lapurtzen ari zirela jakin dutenean. Bertara iritsita, Volkswagen furgoneta batean lapurreta arrastoak ikusi dituzte.

Gertaeren egileak leiho baten kristala apurtu duela eta barruan zeuden hainbat gauza (kasete baten karatula, autoan zegoen irrati bat, agenda elektroniko bat, motxila bat eta hainbat jantzi) hartu dituela baieztatu dute agenteek.

Ingurua miatu ostean, ertzainek gertakariaren ustezko autorea aurkitu dute, X.F. (28 urteko Donostiako bizilaguna), eta atxilotu egin dute, ustez indarkeria erabilita lapurreta egiteagatik. Une horretan, hainbat gauza zeramatzan aldean, lapurtutakoak antza, eta ertzainek berreskuratu eta jabeari eman dizkiote.


214 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin