Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Erregeen desfileak behin-behineko aldaketak eragingo ditu Bilboko erdialdeko zirkulazioan


2009-01-02 12:45

BILBO, 2 (EUROPA PRESS)

Erregeen desfilea dela eta, behin-behineko trafiko aldaketak ezarriko dira datorren astelehenean orgek zeharkatuko dituzten Bilboko kaleen inguruan, Bilbobuseko linea batzuren zerbitzua ere aldaraziz, Udaleko iturriek gaur iragarri dutenez.

Desfilea 18:00etan abiatuko da Kale Nagusiaren goiko aldetik -77 zenbakiaren parean-, eta Moyua Plaza, Kale Nagusiaren beheko aldea eta Plaza Biribila zeharkatu ondoren, Buenos Aires kalea hartu eta udaletxe parean amaituko du.

Aurreko egunetik, aparkalekua hustuko da Anselmo Clave Pasealekuan, parkearen ondoan, desfilean parte hartuko duten orgen muntaketa errazteko. Antzeko neurria aplikatuko zaio Beta eraikinaren ondoko aparkalekuari (Zorrotzaurreko Erribera).

Gainera, orgen irteera errazteko, 17:30etan hasita, Kale Nagusiaren Jesusen Bihotza Plaza eta Maria Diaz Haroko kalearen artekoa tartea itxita geratuko da ibilgailuentzat (Plazako karril bat eta taxi geralekua barne).

Urtero bezalaxe, Bilboko Udalak garraio publikoa erabiltzea gomendatzen du hirian zehar mugitzeko, astelehen arratsaldean Kale Nagusian eta inguruko kaleetan barna zirkulatzea saihestuz, Erregeen desfileak erruz murriztuko baitu kale horietako trafiko-edukiera.

Horrela, 17:30etatik 20:30etara bitartean, gutxi gorabehera, Erregeen desfileak zeharkatuko dituen kaleak moztuz joango dira pausoz pauso, baita trabeskako kaleak ere. Kale hauetan, desfileak aurrera egin ahala, trafikoa bere onera itzuliz joango da apurka-apurka.


148 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin