Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Enpresaburuek euskara enpresetan txertatzeko akordioa sinatu zuten atzo Gasteizen Eusko Jaurlaritzarekin


2006-09-07 12:40



GASTEIZ, 7 (EUROPA PRESS)

Eusko Jaurlaritzako Kultura Sailak eta CONFEBASK, ADEGI, CEBEK eta SEA enpresaburuen elkarteek enpresa alorrean euskararen erabilera biziberritzeko hitzarmen markoa izenpetu eta aurkeztu zuten atzo hiriburu arabarrean eta honen ondorioz enpresek euskaraz egin dezaten konpromezua sendotu da, Jaurlaritzatik prentsa-ohar batean adierazten denez.

Miren Azkarate, Kultura sailburuak Eusko Jaurlaritzaren izenean eta enpresaburuen elkarteen izenean Miguel Lazpiur, CONFEBASK- Euskal Enpresarien Konfederakuntzaren presidenteak, Jose M. Vazquez Eguzkiza, CEBEKeko presidenteak, Eduardo Zubiaurre, ADEGIko presidenteak eta Carlos Zarzeño, SEAko presidenteak, izenpetu dute akordioa, Patxi Baztarrika, Hizkuntza Politikarako sailburuordea mahaian zelarik.

Eusko Jaurlaritzaren eta enpresaburuen erakundeetako ordezkariak bat etorri dira akordioaren garrantzia azpimarratzerakoan, handia delako enpresa-munduak, alor sozioekonomikoak, euskararen normalizazioari egin diezaiokeen ekarria.

Akordio honen bitartez adostasunean, progresibotasunean, borondatezkotasunean, errespetuan eta lankidetzan oinarrituta, euskara era sistematizatuan enpresa munduan txertatuko da, azken hamarkada terdian Hizkuntza Politikarako Sailburuordetzak eta enpresek garatu dituzten enpresetako euskara planetan hartutako eskarmentuan oinarrituta.

Eusko Jaurlaritzak eta CONFEBASK, ADEGI, CEBEK eta SEA enpresaburuen elkarteek hitzartu duten euskara biziberritzeko hitzarmen markoak hiru lan-ildo nagusi jasotzen ditu: bata alde bakoitzaren lan-esparruan sortzen den informazio eta jakingarrien berri ematea elkarri; bi, enpresek euskararen erabilera areagotzeko ekimenak bidera ditzaten, aholku ematea, zerbitzuak nahiz produktuak eskaintzea eta komunikazio-bideak sortzea; eta hiru, euskara planak, banan-banan, finantzatzea.

Hiru lan-ildo horietako bakoitzak, halaber, hainbat puntu biltzen ditu. Horiekin guztiekin urtero lan-egutegi bat lantzeko asmoa dute bi aldeetako ordezkariek. Lan-egutegi horretan jasotakoak aztertu eta egoki betetzen direla bermatzeko, jarraipen-batzordea eratuko dute bi aldeek.


139 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin