Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Enpresa berrikuntzarako Toribio Echevarria sarien XVII. edizioan parte hartzeko epea urriaren 18an bukatuko da


2006-10-11 12:19

Sari hauek 409 lanpostu, 33 enpresa eta 19,5 miloi euroko inbertsioa sortu dituzte jaio zirenetik

DONOSTIA, 11 (EUROPA PRESS)

Enpresa berrikuntzarako Toribio Echevarria sarien XVII. edizioa azken txanpan dago dagoeneko izen-emateari dagokionez, eta proiektuak aurkezteko azkenengo eguna urriaren 18a izango da. Sari hauek Euskal Herri mailan enpresa berrikuntza alorreko garrantzitsuenak dira, eta aurten 10.000 euro baino gehiago banatuko dituzte saritan (sariak dirua, garapen teknologikoa eta aholkularitzan banatuko dira).

Antolatzaileek azaldu dutenez, sarien azken helburuak ondokoak dira: ekimena, eraberrikuntza, ekiteko gaitasuna, sormena eta enpresa garapena, eta batez ere eraberrikuntza teknologikoa kontutan hartu eta sustatzea. Sari hauek definitzen dituen filosofiari jarraiki, Eibarko Udalak, Bic Gipuzkoa Berrilanek eta Eusko Jaurlaritzako Industria, Merkataritza ea Turismo sailak elkarlanean sormen eta eraberrikuntza teknologikoa bultzatu nahi ditu.

Sormen eta eraberrikuntza teknologikoaren garapenak eraberrikuntza teknologikoaren eta Euskal Autonomia Erkidegoko industri sarearen modernizazioa, eta enpresa errealitate bilakatu daitezkeen ideien finkatzea ekarriko du, adierazi dute.

Sariak sortu zirenetik, Enpresa Asmoak atalaren barruan saritutako proiektuek, 17 enpresa berri sortu dituzte. Gainera, 9,5 milioi euroko inbertsioa izan dute eta 221 lanpostu berri sortu dituzte. Bigarren atalean, hau da, Sormena eta eraberrikuntza enpresan atalean, berriz, 16 izan dira jaiotako enpresak, 10 milioiko inbertsioarekin, eta 188 lanpostu sortuz.

Toribio Echevarria sari hauek bi atal bereizten dituzte. Alde batetik, Sormena eta Eraberrikuntza teknologikoa enpresan, dagoeneko martxan dauden enpresei zuzendurikoa, eta, bestalde, Enpresa asmoak deituriko saria, bakarka zein taldeka aurkeztu nahi diren pertsonei edota orain dela gutxi jaiotako enpresei zuzendutakoa.

Jadanik finkatuta dauden edo eraberrikuntza teknologikoan oinarritutako produktu edo prozesu berri bat garatzeko asmoa duten enpresei zuzendutako saria da Sormena eta Eraberrikuntza teknologikoa enpresan izenekoa. Proiektu honen barruan, enpresa berri baten eraketa ezezik, jadanik existitzen den enpresa baten dibertsifikazio edo eraberrikuntza garrantzitsu bat ere aurkeztu daiteke.

Irabazleak, 9.000 euro dirutan, 30.000 eurotako balioa duen garapen teknologikoa, eta 9.000 euroko aholkularitza laguntza eramango ditu; bigarren saridunak, aldiz, 6.000 euro dirutan eta beste 6.000 euroko aholkularitza laguntzan.

ENPRESA ASMOAK

Bestalde, Euskal Autonomia Erkidegoan jaio edo bizi, eta taldeka edo banaka ideia bideragarri edo eraberritzaileetan oinarritutako enpresa ekimenak aurkeztu, eta horiek aurrera eramateko borondatea azaltzen duten sustatzaileei, eta enpresa berriei zuzendurik dago Enpresa asmoak saria.

Irabazleak 6.000 euro dirutan, 18.000 euroko balioa duen garapen teknologikoa, eta 9.000 euroko aholkularitza laguntza jasoko ditu, eta bigarren sailkatuak, 3.000 euro dirutan eta 6.000 euroko balioa duten aholkularitza laguntza.


190 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin