Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Energiaren Euskal Erakundeak 52.000 etxetresna elektriko zahar ordezkatu ditu energetikoki eraginkorragoak direnengantik


2006-10-25 18:32

BILBO, 25 (EUROPA PRESS)

Energiaren Euskal Erakundeak (EEE) eta IDAEk sinatutako hitzarmenari esker martxan jarritako etxetresna elektrikoen Renove planak, Aurreztu Energia kanpainaren bidez hedatu denak, bete du aurreikusitako helburua, hau da, 52.000 etxetresna elektriko zahar, energetikoki eraginkorragoak diren etxetresnengatik ordezkatu.

Hitzarmen hartan, 3,9 milioi euroko aurrekontua egokitu zen kanpaina honetarako eta iraupena esandako aurrekontua agortu edo abenduaren 15era arte ezarri zen. Euskal herritarren artean izandako arrakasta ikusgarria dela eta, aurrekontua uste baino lehenago bukatu da eta Energiaren Euskal Erakundeak kanpaina luzatzea erabaki du euskal gizartearen eskaerari erantzuna emateko. Luzapen hori datorren ostiralean hasiko da eta azaroaren 18an bukatuko, EEEko iturriek jakinarazi dutenez.

Joan den ekainean aurkeztu zen Aurreztu Energia kanpaina, EEEk eta IDAEk sinatutako hitzarmenaren ondorioz garatutako programa, hain zuzen ere, energia aurrezteko helburua duten beste hainbat jardunekin batera.

Hitzarmenean, guztira, 22 jarduera aurreikusten dira eta 15,4 milioi euroko aurrekontu osoa. Hauetatik 3,9 milioi euro etxetresna elektrikoa zaharrak, energia aldetik eraginkorragoak diren (A ziurtagiri energetikoa duten) tresnengatik ordezkatzera zuzendu dira.

Kanpaina martxan jarri zenetik hona 52.000 etxetresna elektriko zahar ordezkatu dira. Aurreztu Energia kanpaina aurrera eramateko ezinbestekoa izan da denden lankidetza; Euskal Autonomia Erkidegoko 500 denda atxikitu dira programara eta beraiek kudeatu dute etxetresna berriaren erosketa eta zaharra ordezkatzea, kanpainaren kudeaketarako bereziki prestatutako programa informatikoaren bidez.


154 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin