Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Emigranteei eta Sahara azpiko Afrikari buruzko bi zinema-ziklo antolatu ditu Guggenheim Bilbao Museoak


2006-09-20 13:08

BILBO, 20 (EUROPA PRESS)

Guggenheim Bilbao Museoak Zinema Hamabostaldia antolatu du eta bi ziklo eskainiko ditu, Emigranteak eta Sahara Azpiko Afrika izenburupean, irailaren 25etik urriaren 8ra bitartean, Museoko

Entzungelan.

Emigranteak izena eman zaion zinema-zikloaren lehenengo astean sei pelikula eskainiko dira. Donostiako Zinemaldiaren oraingo edizioan izen berarekin garatuko den atzera begirakoan bildu diren pelikulak dira, ziklo hau programatzeko Guggenheim Bilbao Museoarekin aritu izan baita lankidetzan Zinemaldia.

Genero eta estilo anitzak, egile ezagunak eta hain ezagunak ez diren beste batzuk, drama sozialak, film klasikoak eta beste hainbat sortu berriak dira Emigranteak zikloan ikusi ahal izango direnak. Irailaren 25etik 30era bitartean egingo da ziklo hau eta aurkeztuko diren pelikulen zuzendari eta antzezle batzuk izango dira Bilbon.

Film horietan ikusi ahal izango da herrialde batzuetan, besteak beste, Santo Domingon, Mexikon, Israelen, Aljerian edo Boli Kostan, gizarteak bizi duen errealitatea. Izan ere, hori da zikloaren helburua, emango diren pelikulen aparteko kalitatea erakustea ez ezik, gaurkotasuneko gaietako bat agerian uztea, hiritar askok, aukera hobeen bila, euren egoera aldatzeko duten gogo bizia, alegia.

Ziklo honetako pelikulak 19,45etik aurrera emango dira, 35 milimetroko formatuan eta jatorrizko bertsioan, gaztelaniazko azpitituluekin.

AFRIKA

Bestalde, urriaren 12an inauguratuko den %100 Afrika erakusketa dela-eta antolatu diren jarduera osagarrien barruan, bigarren zinema-zikloa aurkeztuko du Guggenheim Bilbao Museoak. Sahara azpiko Afrika izango da eskainiko duen zikloa, eta urriaren 3tik 8ra

garatuko da, Bilboko Institutu Frantsesarekin eta Espainian dagoen Frantziako Enbaxadarekin lankidetzan.

1960ko hamarkadatik aurrera egin diren 15 film labur eta sei dokumental eskainiko dira, Afrikako herrialde horietako errealitatea

erakusteko. Zikloan kontinente horretako tradizioak, artean, musikan eta narrazioan sustraitutakoak, eta herrialde horietako askok jasaten dituzten gatazka belikoak, etnikoak edo osasun-arlokoak aditzera emango dira, bertako aniztasuna eta bizimodu desberdinak ikuspegi

desberdinetatik erakutsiz.

Urriaren 5ean, Sahara azpiko Afrika zikloan Olivier Barlet kazetaria izango da Bilbon. Afrikako kulturan espezializatuta dagoen Africultures aldizkariaren presidentea da, eta Sahara azpiko zinema dokumentalean aditua. Dokumental-ziklo honen edukiei buruzko hitzaldi-solasaldia eskainiko du.

Film laburren eta dokumentalen emanaldiak Guggenheim Bilbao Museoko Entzungelan izango dira, 19,45etik aurrera, asteartetik ostiralera, eta 18,00etatik aurrera, larunbatean eta igandean. Zintak formatu digitalean eta 35 milimetrotan emango dira, jatorrizko

bertsioan eta gaztelaniazko azpitituluekin.

Sarreren prezioa 3 eurokoa da publiko orokorrarentzat eta 1,5 eurokoa Museoaren Lagunentzat, aldez aurretik leihatilan txartela erakutsita.

EKIMEN BERRIA

Zinema Hamabostaldi hau dela-eta, Guggenheim Bilbao Museoak ekimen berri bat garatu du museoaren hezkuntza-jarduerak inmigranteengana hurbildu nahian, kontuan izanik gero eta gehiago direla euskal gizartean.

Horrela, irailaren 25ean, Emigranteak zikloaren lehenengo pelikula emangoo den egunean, museoaren zuzendari nagusi Juan Ignacio Vidartek zuzenean egingo dio harrera Bizkaian bizi diren etorkin talde bati. Harresiak Apurtuz etorkinei laguntzeko Euskadiko

GKEen Koordinakundearen laguntzarekin dei egin zaie museotik gidaridun bisitaldi bat egitera gonbidatuz.

Ondoren, nahi duten guztiak, Les Oiseaux du Ciel filma ikustera bertaratu ahal izango dira; Boli Kosta atzean utzi eta Europara zorte bila datozen bi lagunei buruzko pelikula da. Gainera, pase bat emango zaie Zinema Hamabostaldia osatzen duten gainerako pelikulak

eta dokumentalak dohainik ikusteko.

Ekimen honekin, Guggenheim Bilbao Museoak egiten dituen hezkuntza-jarduerak etorkinen euskal kolektiboari ere eskaini nahi dizkio, honela kultura eta artea, eta Euskadiko errealitate sozio-ekonomikoa haiengana hurbiltzen saiatuz.

Urteak daramatza Guggenheim Bilbao Museoak Zinema Zikloak antolatzen, zirkuitu komertzialenetatik kanpo dauden eta ikusleek ikustea merezi duten pelikulak eskainiz eta haien zuzendariak ezagutzeko aukera emanez.


325 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin