Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Emazteari erasotzearren atxilotua Bilbon


2006-02-14 13:20



BILBO, 14 (EUROPA PRESS)

Bilboko Ertzainetxeko agenteek 26 urteko gizonezko bat atzitu zuten atzo arratsaldean, familiartean tratu txarrak emateko delitua egotzita. Atxilotuak hainbat kolpe eman zizkion emazteari buruan eta aurpegian.

Ertzaintzaren esanetan, gertaerak atzo arratsaldean jazo ziren, 19,50 aldera, Bizkaiko hiriburuan. Ordu horretan, Iturribide kalera joateko abisua jaso zuen Ertzaintzak; izan ere, andre batek egindako telefono-deiaren arabera, senarrak eraso egin zion.

Bertaratu eta atarian euren zain zegoen emakumearekin harremanetan jarri ziren agenteak. Senarrak hainbat kolpe eman eta iletik tira egin ziola adierazi zuen emakumeak; horrez gain, lehen ere eraso ziola esan zuen, baina ez zuela inoiz salaketarik jarri. Erasotzailea etxean bere seme txiki batekin zegoela azaldu zien biktimak agenteei.

Ertzainek ikusi zutenez, emakumeak ubeldura zuen sudurraren goiko aldean, baita marka bat ere goiko ezpainean. Jarraian, agenteak etxera joan ziren eta ustezko erasotzailea aurkitu zuten han. Gertatutakoari buruz galdetu ziotenean, emaztearekin eztabaidan aritu zela onartu zuen, baina ez, ordea, eraso zionik.

Deskribaturiko gertaera horien aurrean, Ertzaintzak J.P.O.CH. Bilboko 26 urteko bizilaguna atxilotu zuen, familiartean tratu txarren delitua egitea leporatuta. Biktima ospitaleratu egin zuten zauriak artatzeko.


297 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin