Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Emakume Landatarraren Nazioarteko Eguna ospatuko da urriaren 16an Gernika-Lumon


2006-10-11 17:43

BILBO, 11 (EUROPA PRESS)

Emakume Landatarren Nazioarteko Egunaren hirugarren edizioa ospatuko da urriaren 16an Gernika-Lumon. Ekitaldi honen helburua egun hau publikoki ospatzea da, bestela oharkabean pasatuko litzateke-eta. Gainera, badu beste helburu bat ere, gizarteak landako emakumeen lana aintzat hartzea, hain zuzen ere, Mendikoi elkarteko iturriek gaur jakinarazi dutenez.

Ekitaldia Gernikako Lizeo Antzokian burutuko da, Aitzol Zubizarreta kazetaria aurkezle dela. Gainera, bertan izango dira Gonzalo Saenz de Samaniego Jauna Eusko Jaurlaritzako Nekazaritza, Arrantza eta Elikadura sailburua, Miguel Angel Aranaz Gernika-Lumoko alkatea eta Emakume Landatarren Elkartea osatzen duten taldeen hiru ordezkari. Onintza Enbeita bertsolariak ere parte hartuko du ekitaldian hizlari gisa, gizonezko ingurune batean emakumearen papera azpimarratzeko.

Halaber, saioan zehar Landa eremuko emakumeak eta osasuna izenburuko liburua aurkeztuko da. Argitalpena Jaurlaritzako Nekazaritza, Arrantza eta Elikadura Sailarena da, IKT eta EHUko Soziologia 2 Saileko ikerlari talde batek burutu duen ikerlanetik abiatuta.

Argitalpena landa eremuko emakumeen osasunaren inguruko beharrak eta eskaerak jasotzeko asmoz burutu da, eta politika publikoen gestioan landa eremuko bereiztasunak gero eta gehiago kontuan izatea da bere helburua.


172 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin