Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Emakume bat hil da eta hiru pertsona zauritu dira bi autok Astigarragan talka egin ondoren


2006-12-04 13:52

DONOSTIA, 4 (EUROPA PRESS)

Pertsona bat hil zen eta hiru zauritu ziren, bi larri eta bat arin, atzo gaueko 22,30etan GI-2132 errepidean, Astigarragan, gertatu zen zirkulazio istripuan. Ezbeharra GI-2132 errepideko 8,4 puntu kilometrikoan izan zen, Astigarraga udalerrian. Bi autok, matrikula berria zuten Renault Clio batek eta Citroen Saxo batek, aurrez aurre jo zuten elkar, Eusko Jaurlaritzako Herrizaingo Sailak gaur jakinarai duenez.

Ezbeharraren ondorioz, emakume bat (M.B.G.A., 66 urtekoa eta Errenteriako bizilaguna) hil egin zen, eta hiru pertsona (F.G.M. 55 urteko gizonezko urnietarra, P.Z.E. 65 urteko errenteriarra eta J.V.H. emakumea) zauritu ziren eta Donostia Ospitalera eraman zituzten. Lagunetako batzuk autoan harrapatuta gelditu ziren eta suhiltzaileek bertaratu behar izan zuten, ateratzeko.

Mediku fakultatibo batek emakumezkoaren heriotza egiaztatu ostean eta eginpide judizialak bukatutakoan, gorpua Donostiako Auzitegiko Patologia Zerbitzura eraman zuten gorpua, autopsia egin ziezaioten.

Istripua izan zenetik harrapatutako pertsonak atera, zaurituak artatu, garabiak turismoetako bat errepidetik kendu eta herri lanetako langileek bidea garbitu arte, errepidea erabat itxita egon zen eta pilaketa handiak izan ziren. Autoen joan-etorria etenda egon zen bitartean, ertzainek GI-131 errepidetik bideratu zuten zirkulazioa. Bestetik, Ertzaintzak gertaera honen ingurukoak argitzeko lehen izapideak hasi zituen, ezbeharra zerk eragin zuen jakin nahian.


133 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin