Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Emakume bat atxilotu dute Irunen 500 eurotik gorako balioa zuten kolonia-flasko batzuk lapurtzearren lurrin-denda batean


2006-08-18 14:00

DONOSTIA, 18 (EUROPA PRESS)

Irungo Ertzainetxeko agenteek emakume bat atxilotu zuten atzo arratsaldean Gipuzkoako hiri horretan, bertako saltoki batean kolonia batzuk lapurtzea egotzita. Bostehun eurotik gorako balioa zuten lapurtutako objektuek.

Herrizaingo Sailetik adierazten denez, atzo arratsaldeko 19,30etan, Argentinar Errepublika kaleko (Irun) saltoki bateko arduradunek Ertzaintzari deitu zioten, lokalean lapurtu berri zutela jakinarazteko.

Behin dendara heltzean, Ertzaintzari deitu ziotenekin harremanetan jarri ziren agenteak. Kolonia batzuk ordaindu gabe lurrin-dendatik alde egiten saiatu zen emakume bat atxikita zuten bertan. Emakumezkoa (C.J.C., 32 urte) identifikatu eta atxilotu egin zuten poliziek, lapurreta delitua leporatuta.

Saltokian ostu zituen kolonia-flasko batzuk (guztira, 500 eurotik gorako balioa zuten) atzeman zizkioten. Horrez gain, bitxi ugari atzeman zizkioten ertzainek, modu ez zilegian lortutakoak izan zitezkeelakoan.

Ordu batzuk lehenago, gainera, Euskal Poliziaren beste patruila batek emakume bera identifikatu zuen, Iruneko beste saltoki batean kamiseta bat lapurtzen saiatzeagatik. Beharrezko eginbideak amaituta, atxilotua -lehenago ere sei aldiz atxilotu dute- epailearengana eraman dute.


282 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin