Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Elliott Murphy eta Olivier Durand frantziarrak arituko dira urtarrilak 15eko musiektan Bilboko Euskalduna Jauregian


2006-01-04 12:56

BILBO, 4 (EUROPA PRESS)

Bilboko Euskalduna Jauregiak Musiketan izeneko zikloaren barnean Elliot Murphy & Olivier Durand bikotea arituko dira urtarrilak 15ean arratsaldeko 20,30etan bi, antolatzaileak komunikatu batean adierazi duetenz.

Bi frantziar hauek, Elliott Murphy New York-en jaio bazen ere denbora ugari darama Parisen errolduta, rock kutsuz blaituko dute hiriburu bizkaitarreko auditori hau.

Zalantzarik gabe, Elliott Murphy Rockaren Historiako pertsonaiarik bitxienetako bat da. New York-ekoa izanik Parisen bizi da. Sagar Handia delakotik erbesteraturik eta musikaren multinazional handienetatik at, askoren ustez rock munduko musikagilerik grinatsu, jantzi eta azkarrenetakoa da.

Musika munduan konta ezin ahala jarraitzaile ditu, besteak beste REM taldeko Peter Buck, Lou Reed, Tom Petty, John Mellencamp eta Elvis Costello musikagile argiak. Bere azken diskoetako batean Bruce Springsteen-ek parte hartu zuen. Hain zuzen ere, azken horrek Parisen jotzen duen bakoitzean Murphy gonbidatzen du eszenatokira igotzera.

Soul Surfing du azken lana, lanik harrigarrienenetakoa, hain zuzen. Berriro ere berarekin du aurreko diskoan, Rainy Season-en -euri jasa-, aritu zen banda berbera: Kenny Margolis (Willy DeVille-ren taldeko tekla-jolea) Hammond B3 organo, piano, akordeoi eta 60 eta 70. hamarkadetako egundoko bildumako piano elektriko eta sintetizadoreetan; Ernie Brooks handia (Modern Lovers taldeko kide ohia) baxuan; beti ere inspirazioa lagun duen Olivier Durand gitarra akustikoan eta Elliot-i ahotsetan laguntzen; eta bi bateria-jole aparta: Florent Barbier eta Danny Montgomery entzutetsua (Concrete Blonde taldeko kide ohia).

1973. urtetik hona, Murphy-k 25 disko argitaratu ditu eta kritikoek erantzun hobezina eman diote guztiei. Estreinako Aquashow hari buruz Rolling Stone aldizkarian honakoa irakur zitekeen: Elliott Murphy eta bera lana gure aldean egongo dira rock and roll-ak bizirik dirauen artean.

Ordutik Soul Surfing lanera ailegatu arte Elliott Murphy-ek estilo berezko eta jatorrari eutsi dio. Irudi poetikoek, istorioak kontatzeko maisutasunak eta arimaren barrunbeei begirako hitzek Murphy-ri jarraitzaile sutsu mordoa ekarri diote Estatu Batuetan. Europan, berriz, izar bihurtu dute. Berak gogoratzen duenez, han inork ere ezagutzen ez ninduelakoan nengoen, Parisen emandako lehenengo kontzertuan 6 bis eskatu zizkidaten arte.

LITERATURA ERLIJIOTZAT

Gaur egun, Elliott Murphy Parisen bizi da bere emazte Françoise eta bere seme Gaspard-ekin. Etengabe ari da kontzertu-birak egiten, hala bakarrik nola bere bandarekin. Musika sortzeko ahalmen itzela alde batera utzirik, ipuin bilduma bat eta hainbat hizkuntzatara itzulitako eleberri bat -Hotza eta Elektrikoa- idatzi ditu.

The Velvet Underground-en 69 live diskoaren azalek oharrak ere idatzi zituen. Literatura nire erlijioa da -esan zuen Murphy-k orain gutxi egindako elkarrizketa batean- baina mendekotasun batek jota nago: rock and roll-ak, alegia. Bere ibilbide artistikoan e da dena musika eta literatura izan: 1972an agerraldi laburra egin zuen Fellini-ren Roma filmean.

Bestetik, Olivier Durand Le Havre-n (Frantzia) jaio zen. Ingalaterrako kanaleko kostaldean dagoen herri horretan rocknroll musikariek tradizio luzea dute. Hain zuzen ere, Le Havre aipatzean Frantziako Liverpool ezizena eman izan zaio.

Elliott Murphy-rekin elkartu aurretik Little Bob-en, Frantziako rock n roll izarrik ospetsuenetariko baten taldeko gitarra-jole izan zen. Olivier-ek lau urte daramatza Elliott-ekin jotzen eta azken horren zortzi diskotan parte hartu du: Beauregard, April, Rainy Season, La Terre Commune, Last Of The Rock Stars... and me and you -live-, Soul Surfing, Strings Of The Storm eta Never Say Never.


212 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin