Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Elkarrek Xabi San Sebastianen, Txirri, Mirri eta Txiribitonen eta Laja eta Mikelen lan berriak kaleratuko ditu otsailean


2009-02-02 10:58

BILBO, 2 (EUROPA PRESS)

Elkar Musika diskoetxeak hiru lan berri argitaratuko ditu otsailean zehar, Xabi San Sebastianen Ospela, Txirri, Mirri eta Txiribiton pailazoen Ari, ari... Txirri, Mirri, Txiribiton Txistulari! eta Laja eta Mikelen Non zuztarra, han adarra, diskoetxeko arduradunek iragarri dutenez.

Otsailaren 12an kaleratuko du Elkarrek Xabi San Sebastianen Ospela diskoa, bere bakarkako bigarrena. Autoreak nortasunez beteriko rock melodikoa eskaintzen du, 13 kanta zuzen bezain samur, biziak bezain gozoak, sentiberak eta, aldi berean, indartsuak eskainiz eta bizitzaren iraganak uzten dituen zertzeladen lekuko musikal erakargarria osatuz.

Disko honekin, Xabi San Sebastianek Euskal Herriko kantagintzaren transmisioan beste katebegi bat osatuko du, etorkizunez beteriko musika sortuz eta interpretatuz, eta bide batez, musikaz beteriko etorkizuna bermatzen lagunduz.

Bestalde, Txirri, Mirri eta Txiribiton pailazo ezagunek urte asko daramatzate abestiak sortzen eta egokitzen, publikoaren aurrean eskaintzen eta diskoetan grabatzen, eta hasi zirenetik, txistulariak direlako, txistuari garrantzia eman nahi izan diote Ari, ari... Txirri, Mirri, Txiribiton Txistulari! lan berrian. Bilduma honetan urteetan zehar txistu doinuaz sortutako abestiak jarri dituzte. Otsailaren 19an izango da kalean.

Azkenik, Laja eta Mikelen bigarren diskoa izango da Non zuztarra, han adarra eta otsailaren 26an kaleratuko da. Iñaki Garmendia Laja trikitilari ezaguna berriro ere estudioan sartu da beste disko bat grabatzeko, Landakanda eszenatokitik erretiratu zenetik alboan izan duen Mikel Alustiza pandero-jotzailea eta kantariaren laguntzaz.

Laja eta Mikel bikotearen bigarren disko hau benetan herrikoia, freskoa, alaia eta ederra izango da, zalantzarik gabe, baina batez ere kalitate handiko musika ekarriko du, nola ez, trikitixaren maisuaren eskutik. Diskoak 14 kantu jasoko ditu.


305 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin