Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Elikagaien Segurtasuneko Europako Agintaritzak Elika sartu du erakunde laguntzaileen zerrendan


2009-01-16 12:03

BILBO, 16 (EUROPA PRESS)

Elika Nekazaritzako Elikagaien Segurtasunerako Euskal Fundazioa da EFSA Elikagaien Segurtasuneko Europako Agintaritzari lagun diezaioketen erakunde eskudunen zerrendako lehenengo euskal erakundea. Erakunde Bateratuaren Zuzendaritza Batzordeak urteko azken batzarrean onetsi zuten lankidetza zerrenda eguneratzea. Zerrenda horretako erakundeek laguntza zientifikoa eta teknikoa eskaintzen diote EFSAri eta lagundu egiten diote, zientzia-iritziak gauzatu ahal izateko, datuak biltzen eta azterlanak egiten.

Elikagaien Segurtasuneko Europako Agintaritza 2002an sortu zen, elikagai-katearekin lotutako arriskuei buruzko jakinarazpen eta zientzia-iritzien iturri independente gisa. Gauzatzen duen lana elikagaien segurtasuna hobetzeko Europa Batasuneko programa baten parte da. Programa horren helburua da kontsumitzaileari babes maila altua bermatzea eta elikagai hornikuntzari diogun konfiantzari eustea.

Horretarako, estatu kideetako hainbat erakunderen laguntza du. Horrek erraztu egiten du bikaintasuneko zientzia sarea sortzeko bitartekoak mugiaraztea, Europa mailako arriskuen balioespenak hurbilaraztea eta koherentzia eta bideragarritasun handiagoa lortzea, arriskuen balioespenean adituak diren aholkularien ekarpenen bidez.

Elikako arduradunek jakinarazi dutenez, iazko abenduaren 18an, EFSAren Zuzendaritza Batzordeak onetsi egin zuen lankidetza zerrenda zabaltzea eta, hautagaiak aztertu ondoren, Elika Nekazaritzako Elikagaien Segurtasunerako Euskal Fundazioa izan zen aukeratuetako bat.

Arriskuak balioesten eta Administrazioari zientzia aholkularitza eskaintzen daukan eskarmentuagatik aukeratu dute Elika. EAEko Nekazaritzako Elikagaien Segurtasun Zientzia Batzordearen bidez bideratzen du Elikak lan hori. Duela sei urte osatu zen Batzordea eta bertan parte hartzen dute hainbat unibertsitateko zenbait katedradunek (Londres, Granada, Leon, EHU) eta Euskal Herriko teknologia zentroetako ikertzaile batzuek.

Elikak, EFSAk hala eskatzen dionetan, datuak bildu eta aztertu beharko ditu, eta honako gai hauetarako aholkularitza eskaini beharko du: animalien elikadura, osasuna eta ongizatea, landareen osasuna eta zaintza, elikagaien ekoizpena, toxikologia eta arrisku biologiko eta kimikoen esposizioaren balioespena. Lan hori gauzatzeko euskal erakunde batzuen laguntza izango du, beti bezala.


236 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin