Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Elhuyar Hiztegiaren edizio berria aurkeztu du Elhuyar Fundazioak, lehenengoz argitaratu zeneko hamargarren urteurrenean


2006-11-22 16:56

DONOSTIA, 22 (EUROPA PRESS)

Elhuyar Hiztegia (euskara-gaztelania/castellano-vasco) obraren hirugarren edizioa aurkeztu da gaur Elhuyar Fundazioaren egoitzan, lehenengoz argitaratu zeneko hamargarren urteurrena betetzen denean. Itziar Nogeras Elhuyar Fundazioko zuzendari nagusiak, Antton Gurrutxaga hiztegiaren zuzendari teknikoetako batek eta Lurdes Ansa Elhuyar Edizioak saileko arduradunak eman dituzte hiztegi berrituaren xehetasunak.

Itziar Nogerasek adierazi duenez, Elhuyar Fundazioaren helburuetako bat euskara garatzeko eta normalizatzeko hizkuntza-baliabide, tresna eta zerbitzuak sortzea eta eskaintzea da, eta helburu horri tinko eutsiz, urteak daramatzagu hiztegigintzan lan egiten, eta, ditugun hiztegiak eguneratzeaz gain, hiztegi berriak egitea dugu helburu. Horrenbestez, datorren urtean Elhuyarrek ingelesa-euskara hiztegia argitaratzea espero duela gaineratu du Nogerasek.

Antton Gurrutxagak hiztegiaren xehetasun teknikoak azaldu ditu, eta, besteak beste, esan du Elhuyar Hiztegia egiterakoan bi noranzkoak hartu direla kontuan, hau da, bi hizkuntzak (euskara eta gaztelania) parez pare landu direla.

Bestalde, hiztegia eguneratzeko erabili diren iturriak eta irizpideak zein diren adierazi du, hots, Elhuyarren hiztegigintzako datu-basea, Euskaltzaindiaren Hiztegi Batua, Eusko Jaurlaritzaren Euskalterm Terminologia Banku Publikoa, Orotariko Euskal Hiztegia, hiztegi-iturri klasikoak eta berriak, ikerlanak, erabiltzaileen oharrak edota kritikak.

Azkenik, Lurdes Ansak hiztegiaren hiru formatuei buruz hitz egin du: liburua, CD-ROMa eta Interneteko bertsioa. Datu esanguratsu gisa azpimarra daiteke, gaur egun, Elhuyar Hiztegiak sarean hileko 300.000 bisita dituela batez beste.

HAMAR URTEKO IBILBIDEA

Elhuyar Hiztegi berriak 88.000 sarrera, 20.000 azpisarrera, 150.000 adiera eta 100.000 adibide biltzen ditu, eta hiru ataletan banatuta dago: euskara-gaztelania, gaztelania-euskara eta gramatika-eranskina.

Duela hamar urte argitaratu zuen Elhuyarrek Hiztegiaren lehen edizioa, eta, harrezkeroztik, oso kontuan hartu ditu euskal hiztegigintzan egin diren urratsak.

2000. urtean, Elhuyar Hiztegiaren bigarren argitalpena kaleratu zuen, Euskaltzaindiak Hiztegi Batuaren lehen bertsioa amaitzearekin batera. Geroztik, Euskaltzaindia etengabe ari da Hiztegi Batua osatzen eta lan horren emaitzak apurka Interneten argitaratzen. Erabaki horiek ahalik eta zehatzena jasotzen ahalegindu dira hirugarren edizio honetan, eta, aldi berean, kontuan hartu dituzte beste informazio-iturri batzuk ere.


232 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin