Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Elhuyar Fundazioak eguzki-sistemaren sailkapen berriarirekin argitaratu du Elhuyar Atlasa eguneratuta


2006-08-28 10:21



BILBO, 28 (EUROPA PRESS)

Elhuyar Atlasa (Munduko eta Euskal Herriko atlasa) argitaratu berri du Elhuyar Fundazioak. Nazioarteko Astronomoen Batzordeak iragan astean emandako eguzki-sistemaren sailkapen berria jasotzen du eta gainera zehaztasun handiko mapak ditu, azken urteotan munduan izan diren aldaketa politikoak eta Euskaltzaindiak toponimian emandako arau zein gomendioak kontuan hartuz eguneratu dator.

Elhuyarretik prentsa-ohar baten bidez adieratzen denaren arabera, Euskal Herriko zein munduko mapa politiko eta fisikoez gain, munduko etnien, hizkuntzen, tektonikaren, populazioaren eta abarren inguruko informazioa ematen du. Liburu hau datorren astetik aurrera egongo da eskuragarri www.elhuyar.org/denda web gunean eta ohiko liburu-dendetan.

Obra honek bi ezaugarri bereizgarri ditu. Alde batetik, mapa geografiko eta politiko osotuak dakartza. Bestetik, datu gehigarri ugari eta gaikako mapak ditu: mundu mailan, plaken tektonika, klima, munduko petrolio-erreserba eta industriagune nagusiak, populazioaren banaketa eta migrazioak, erlijioa, herrialde aberatsenak eta beste hainbat; Euskal Herri mailan, berriz, mapa geografiko eta politikoez gain, eskualdeak, Euskal Herriko biztanleria, klima eta landaredia eta euskararen bilakaera, egoera eta euskalkiak, besteak beste.

Atlasa guztiz eguneratuta dago: besteak beste, eguzki-sistemaren antolamendu berria jasotzen du, azken urteetako aldaketa politikoak islatzen ditu, toponimian Euskaltzaindiak emandako arauak eta gomendioak kontuan hartzen ditu, eta, azkenik, azken urteetako mugimendu sozioekonomikoei eta demografikoei buruzko datu eguneratuak ditu.

Material hau Lehen eta Bigarren Hezkuntzako ikasleentzat dago pentsatuta; hala ere, oso egokia izan daiteke geografia gustuko duen edonorentzat. Datorren astetik egongo da salgai www.elhuyar.org/denda web gunean eta ohiko saltokietan.

Elhuyar Atlasaren inguruko informazio gehiago eskuratu nahi baduzu, sartu www.elhuyar.org/denda web gunean edota 943 36 30 40 telefono zenbakira deituta Elhuyar Fundazioarekin jarri daitezke harremanetan interesatuak.


190 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin