Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Elhuyar Fundazioak bere azken nobedadeak aurkeztuko ditu Durangoko Azokan, Elhuyar Hiztegi berritua tartean


2006-11-30 13:43

BILBO, 30 (EUROPA PRESS)

Urtero bezala, Elhuyar Fundazioak bere azken nobedadeak eramango ditu abenduaren 6tik 10era bitartean ospatuko den Durangoko 41. Euskal Liburu eta Disko Azokara, Elhuyarreko iturriek gaur jakinarazi dutenez.

CD-ROMei dagokienez, Hiru Mosketariak bideojokoa aurkezrtuko du Durangon. Alexandre Dumasen eleberri entzutetsuan oinarritutako lehen jokoa da. Plataforma-jokoa da, hiru dimentsiotan egina, eta kontrolatzeko oso erraza eta jolasgarria da.

Grafiko erakargarriak ditu, marrazki bizidunen pelikuletan erabiltzen diren bezalakoak, baita hainbat xehetasun ere. 200 eremu baino gehiago, hamar maila izugarri eta hiru amaiera posible ditu gainera. Demoa eskuragarri dago www.elhuyar.org/mosketariak webgunean.

Letrak jokagai joko didaktikoa ere eramango du Durangora Elhuyar Fundazioak. Jong motako jolasek eta hiztegien jolasek bat egiten dute CD-ROM honetan. Bikoteak eginez edota hitzak sortuz, estrategia eta hiztegia lantzen ditu jolasak.

Liburuen atalean, alde batetik, Elhuyar Atlasa. Munduko eta Euskal Herriko atlasa. Geografikoa eta politikoa aurkeztuko du. Obra honek bi ezaugarri bereizgarri ditu: alde batetik, mapa geografiko eta politiko osatuak dakartza; bestetik, datu gehigarri ugari eta gaikako mapak ditu (mundu mailan, plaken tektonika, klima, munduko petrolio-erreserba eta industria gune nagusiak, populazioaren banaketa eta migrazioak, erlijioa, herrialde aberatsenak eta beste hainbat).

Euskal Herri mailan, berriz, mapa geografiko eta politikoez gain, eskualdeak, Euskal Herriko biztanleria, klima eta landaredia eta euskararen bilakaera, egoera eta euskalkiak biltzen ditu, besteak beste.

Atlasa guztiz eguneratuta dago: besteak beste, eguzki-sistemaren antolamendu berria jasotzen du, azken urteetako aldaketa politikoak islatzen ditu, toponimian Euskaltzaindiak emandako arauak eta gomendioak kontuan hartzen ditu, eta, azkenik, azken urteetako mugimendu sozioekonomikoei eta demografikoei buruzko datu eguneratuak ditu.

HIZTEGIAK

Hiztegien artean, Elhuyar hiztegia. Euskara-gaztelania / castellano-vasco hirugarren argitalpena nabarmentzen da. 88.000 sarrera, 20.000 azpisarrera, 150.000 adiera, 100.000 adibide, lexiko arrunta eta teknikoa, esapide eta gramatika-egiturak eta onomastika (pertsona-izenak, leku-izenak, erakunde-izena eta abar) dira bere ezaugarri nagusiak.

Halaber, hiztegiaren atal elektronikoa ere aurkeztuko du Elhuyarrek Durangon. Hiztegi elektronikoari dagokionez, sarreren bilaketa lasterra egitea, liburuan egin ezin diren bilaketa aurreratuak pantaila bakarrean, azpisarrerak bilatzeko aukera, komodinak erabiltzeko aukera (hitz bat bere hasiera, amaiera edo karaktere batzuen arabera bila daiteke), gramatika-eranskinak, testua kopiatu eta inprimatzeko aukera, baita edukiaren araberako

bilaketak egiteko aukera ere eskaintzen ditu.

Azkenik, Eguzki-sistemaren horma-irudia ere eramango du. Abuztuaren 24an, Nazioarteko Astronomoen Batzordeak emandako eguzki-sistemaren sailkapen berria jasotzen duen horma-irudia da. Bertan, zortzi planetak eta lau planeta nanoak azaltzen dira beharrezkoak diren azalpenekin batera.


313 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin