Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Elhuar Fundazioak eta EHUko IXA taldeak hizkuntz baliabide bat garatu dute zientzia eta teknologiako euskara ikertzeko


2006-12-11 17:57

BILBO, 11 (EUROPA PRESS)

Elhuyar Fundazioak eta Euskal Herriko Unibertsitateko (EHU) IXA taldeak zientzia eta teknologiaren alorreko euskara ikertzeko hizkuntza-baliabide bat garatu dute: Zientzia eta Teknologiaren Corpusa. Euskarazko lehen corpus berezi edo espezializatua da, Elhuyar Fundazioko iturriek gaur jakinarazi dutenez.

Corpusa elikatzeko, 1990-2002 bitartean argitaratuko zientzia eta teknologiaren alorreko obrak hartu dira kontuan. Corpus egituratua eta linguistikoki etiketatua da, automatikoki prozesatua, eta zortzi milioi hitz ditu, horietatik 1,6 milioi eskuz berrikusita eta zuzenduta daudela. Corpusa, www.ztcorpusa.net webgunean kontsultagai dago, eta ostegun honetan aurkeztuko da Elhuyar Fundazioaren egoitzan, Usurbilen, 18,30etatik aurrera.

Corpusa kontsultatzeko interfaze ahaltsua antolatu da, eta erabiltzaileak era askotako bilaketa bakunak eta konplexuak egiteko aukera izango du, horretarako parametro-multzo zabala erabiliz: lema, testu-forma, kategoria, eremua, generoa, corpus-atala (eskuz zuzendua/corpus osoa).

Emaitzak bi eratakoak izan daitezke: batetik, bilagaiaren testuinguru laburrak (KWIC) eta testuinguru hedatuak; eta, bestetik, informazio kuantitatiboa, taula eta grafikoetan emana (maiztasunak, agerkidetzak, eremu edo generoaren araberako banaketa).

www.ztcorpusa.net webgunean kontsultagai egoteaz gain, 2007tik aurrera ELDAren (Hizkuntza Baliabideen Ebaluazio eta Banaketarako Agentzia Europarra) baliabideen artean egongo da, ustiapen komertzialerako eskuragarri, lizentzia bidez.

Zientzia eta Teknologiaren Corpusa proiektua Hizking21 ikerketa estrategikoko proiektuaren barnean hasi zen egiten. Hizking21 proiektuak honako laguntza hauek jaso ditu: Eusko Jaurlaritzaren Industria Sailaren Etortek programa (2002-2004) eta Gipuzkoako Foru Aldundiaren Gipuzkoako Zientzia, Teknologia eta Berrikuntza Sarea programa (2004). Bestetik, Zientzia eta Teknologiaren Corpusak Eusko Jaurlaritzaren Kultura Sailaren 2005eko Euskara eta Teknologia Berriak eta 2006ko IKT programaren laguntza ere jaso du.


383 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin