Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-ELAk eta LABek salatu dute Confesbaskek betoa ezarrio diola Hobetuzi, prestakuntzan dituen negozioak babesteko


2006-09-21 17:31

BILBO, 21 (EUROPA PRESS)

ELA eta LAB sindikatuek gaur salatu dute Confesbask patronalak betoa ezarri diola Hobetuz erakundeari, prestakuntzan dituen negozioak babesteko. Izan ere, bi sindikatuek azaldu dute Hobetuz fundazioaren patronatuko bileran Confebaskek ezezko botoa eman duenez, erakunde horretako egitura teknikoak ezin izango duela Eusko Jaurlaritzak langileen prestakuntzari buruz ematen dituen aginduen kudeaketan parte hartu.

Hezkuntza Sailak eta Lanbide Heziketako Sailburuordetzak hezkuntza-sistemako zentroek katalogoz kanpoko prestakuntza-jarduerak Hobetuzen bitartez eman ditzaten urrats bat egin orduko, patronalak ezezkoa eman du, horrela Hobetuz likidazioaren atetan jartzen badu ere, adierazi dute.

Confebasken erabaki honen zergatia begi bistan dagoela azaldu dute, haien iritziz, berau osatzen duten enpresari-elkarteek langileen prestakuntzaren inguruan daukaten negozioa babestu nahi duelako.

2006an, Estatuarekin sinatutako programa-kontratuen bidez, Confebaskek 10 milioi euroraino kudeatzeko aukera izan dezake (beste hainbeste UGT eta CC.OO.-en artean). Confebaskek ez dio Hobetuzi katalogoz kanpoko prestakuntza baimendutako lanbide heziketa zentroen bitartez emateko aukera eman nahi (2003.12.17ko agindua), izan ere esparru honetan bakarrik baitaude orain arte Confebask osatzen duten elkarteak eta Espainiako sindikatuak, azaldu dute.

Bi sindikatuen iritziz, argi gelditu da Confebaskek Hobetuz garatzeko eta kalitatezko langileen prestakuntza bermatzeko bitartekoak egon daitezen ez duela inongo gogorik. Bere interesa diru publikoa erabiltzea da, zenbat eta gehiago, eta kontrolik gutxien duena, hobe, salatu dute.


171 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin