Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-ELA, LAB eta EILASek hezkuntza bereziko langileen hitzarmenaren aldeko 8.000 sinadura eman dizkiote Hezkuntza Sailari


2009-02-10 13:06

GASTEIZ, 10 (EUROPA PRESS)

ELA, LAB eta STEE-EILAS sindikatuek 8.000 sinadura inguru erregistratu ditu Eusko Jaurlaritzan, Hezkuntza Sailean irakaskuntza publikoko hezkuntza bereziko langileen hitzarmenaren alde, bost urte baitaramatzate hitzarmenik gabe.

Horrela, ELAko iturriek adierazi dutenez, hiru sindikatuok lorturiko 8.000 sinaduren bilketak inolako zalantzarik gabe erakusten du irakaskuntza publikoa oro har lan-talde honen eskakizunekin bat datorrela.

Zentzu honetan, sindikatutik gogoratu dute irakaskuntza publikoko hezkuntza bereziko langileak 2003tik daudela beren lan baldintzak berritu gabe. Lan-talde honen helburuen artean daude asteko gehienezko lanaldia 37,5 ordukoa izatea, administrazioan ohi den bezala, exijitutako titulazioaren mailako soldata izatea eta uda ordaintzea ordezkoei.

Egundaino lan-talde honek ezin konta ahala ekimen burutu du hitzarmenaren negoziazioa bideratu nahian. Tamalez, Administrazioak entzungor egin eta ez ditu aintzat hartu egindako eskeak. Horregatik, ELAk dio beharrezkoa dela Hezkuntza Sailak erakutsi duen itxikeriaren aurrean bestelako erantzun bat erakustea, erantzunaren maila eta indarra haziko dituena, adierazi dute.

Gauzak horrela, ELAk mobilizazio-prozesu sakonagoa adosteko deia egin die gainerako sindikatuei borroka gogortzeko, izan ere, bere esanetan, gaurdaino jorratutako bidea guztiz alferrikakoa izan da Administrazioaren jarrera negatiboa apurtzeko.

Modu honetan, ELAk espero du, langile hauen helburuak lortze aldera, gainerako sindikatuek ere ildo bereko erabakiak hartzea Hezkuntza Saila jarrera aldatzera behartzeko.


266 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin