Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Ekoscan zerbitzuan parte hartzen duten ETEek 21.000 tona CO2 eta ia 50.000 tona hondakin aurreztu dituzte hamar urtean


2009-02-12 16:21

DONOSTIA, 12 (EUROPA PRESS)

Ihobe sozietate publikoak sustatutako Ekoscan zerbitzuan parte hartzen duten enpresa txiki eta ertainek (ETE) 21.000 tona CO2 eta ia 50.000 tona hondakin murriztu dituzte hamar urtean. Gainera, ingurumena hobetzeko neurriek milioi eta erdi euro baino gehiago aurreztea ere ekarri dute.

Euskal Autonomia Erkidegoko (EAE) ETEek ingurumena hobetzeko neurrien bitartez lortutakoaren berri eman du gaur Esther Larrañaga Eusko Jaurlaritzako Ingurumen eta Lurralde Antolamendu sailburuak Arrasaten. Enpresek Ihobe sozietate publikoak sustatutako Ekoscan zerbitzuaren bidez ezarri dituzte neurri horiek.

Fagor Electronica kooperatibaren egoitzan aurkeztu ditu datuak Larrañagak. Hain zuzen ere, Fagor Electronicak Ekoscan ziurtagiria du, eta haren ekintza eredugarrienak jaso dituzte sailburuak gaur aurkeztu duen ETEak lanean. 90 ingurumen jardunbide egoki argitalpenean.

Ekoscan ekimena duela hamar urte jarri zen abian. Orduz geroztik, prozesuotan parte hartu duten 800 bat enpresek lortutako ingurumen hobekuntzen artean, 21.000 tona CO2 murriztu izana nabarmentzen da, klima aldaketaren kontrakoei dagokienez.

Ingurumena babestu eta baliabideak kudeatzeari dagokionez, 12.237 tona lehengai ez kontsumitzea lortu da, baita 748.100 metro kubiko ur eta likido baino gehiago ez kontsumitzea eta ez isurtzea ere.

Hondakinen arloan, 28.000 tona hondakin arriskutsu eta 21.000 tona ez arriskutsu gutxiago sortu dira.

Ekoscan zerbitzua 1999an sortu zen, eta orduz geroztik, ingurumen alderdia enpresen lan prozesuetan erraz txertatzea ahalbidetu du. Hamar urteotan, EAEko hainbat arlotako 800 erakundek (industria, osasuna, hezkuntza, administrazio publikoa eta abar) ingurumena hobetzeko ekintza planak ezarri dituzte. Onurak, ingurumen arlokoak ez ezik, ekonomikoak ere izan dira, milioi eta erdi euro baino gehiago aurreztu dituzte-eta neurri horiei esker.

Tresnaren eraginkortasunarengatik eta enpresen eskaerarengatik, Ekoscan arau ziurtatzaile bihurtu da, ingurumena kudeatzeko merkatuko beste sistema batzuen parekoa. Gaur egun, 200 erakundek, 238 lantoki dituztenek, Ekoscan arauaren ziurtagiria dute.

Datuok ikusita, Ekoscan ziurtagiria daukaten erakundeek urtero ingurumen jardunbidea hobetzen dutela ziurtatzen eta erakusten dute. Gainera, ingurumenari lotutako lege baldintzak betetzea lortzeko eredu dira, Larrañagak adierazi duenez. Horrela, bere ustez, ingurumen hobekuntza eta enpresen emaitza ekonomikoen hobekuntza bateratzea posible dela erakusten dute.


599 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin